Popular Bible Verses from Eksodɔs 10

Share

Na AWURADE ka kyerɛɛ Mose sɛ: Kɔ Farao nkyɛn, na mahyɛ ne koma ne ne nkoa koma den, na mayi me nsɛnkyerɛnne yi adi wɔ wɔn mu, na woaka nea meyɛe wɔ Misraim ne me nsɛnkyerɛnne a miyii adi wɔ wɔn mu no wɔ wo ba ne wo ba ba asom, na moahu sɛ mene AWURADE.

Ɛnna AWURADE ka kyerɛɛ Mose sɛ: Teɛ wo nsa kɔ ahunmu, na esum nnuru Misraim asase so, na ɛnyɛ esum a woso mu a ɛbɛyɛ yiye. Na Mose teɛɛ ne nsa kɔɔ ahunmu, na esum kabii duruu Misraim asase no nyinaa so nnansa. Obiara anhu ne yɔnko, na obiara ansɔre ne tenabea nnansa; na Israelfo nyinaa de, wonyaa hann wɔ nea wɔte hɔ.

Na Mose teɛɛ ne poma wɔ Misraim asase so, na AWURADE maa apuei mframa bɔ faa asase no so da no nyinaa ne anadwo no nyinaa. Na ade kyee na apuei mframa no de mmoadabi no aba. Na mmoadabi no baa Misraim asase no nyinaa so, na wobeguu Misraim asase no so nyinaa, na wɔdɔɔso pii. Ebi nnii wɔn anim mmae pɛn a ɛte sɛ wɔn, na wɔn akyi nso ebi remma saa bio.