Popular Bible Verses from Zep. 3

Share

Ai jajago kam TUHAN Taikamanuamui Sipulugege. Amamanang an kam kalulut gegeNia. Mangka bagania si TUHAN kalulut kam, kakatet bagaNia iake' kakam purimanuaiat sibau.

Babara te teterenia, taikalaggaiatmui simasasaragai Kupalulu sia ratoili. Kuabeuake' leu kam ka sangaliot polak, samba purimanuaitmui simaeru' kupaeru' minca'.” Kise' te ngangan TUHAN.

Kalulut aiariake'an si TUHAN masiukum kam; Aituituiake'an sangamberi saggakmui. Aipasisikeli kam rimata Israel, Taikamanuamui. Kineneiget buian numaloto' kam.

Babara te gogoinia kutataake' sipaoreiji kam, Kuujaake' le sirimanua simasakit; sangamberi sirimanua siribbaiakenen kutoiliake'. Paloloiat katubudda kubailiuake' katuumunanda; ka senen kudduat, samba ka sangaliot polak, raabeuake' le sia samba raumun sia.