Popular Bible Verses from Rm. 3

Share

Sangamberida poi amajongan samba taan anai ka tubuda pulatsanan Taikamanua. Oto ka kiliu bagat Taikamanuangan le ramaroroipo, panguruatnia kalulut panebuiat ka bagat Kristus Jesus.

ia te kalulut tonem baga ka Jesus Kristus le iparoroipo sirimanua Taikamanua sangamberi sirimanua simatonem baga. Ta poi anai pabaggeiatnia.

Kristus Jesus aikauan Taikamanua bailiu enungan paabanan kalulut tonem baga ka logaunia. Aigalai nene, masipatoila roiponia, kalulut ta aiaddeake sangamberi jo sipuaaili siburu ka teteret aiomake bagania. Nene masipatoila puroipoatnia ka tetere kineneiget, bule imatoila simaroipo le nia samba iparoipo sirimanua simatonem baga ka Jesus.

Kalulut ta anai beri sara sirimanua momi maroipo ka matat Taikamanua ka pasigagalaiake Surukat, aipoi Surukat ia te pasiagai jo le.

kele sitususurat ka Surat Sipunenan: “Ta anai simaroipo, beri sara; ta anai beri sara siagai paatuat, ta anai beri sara sigaba Taikamanua. Sangamberida atusoipman, sangamberida amusiboboian, ta anai sigalai simaeru, beri sara ta anai.

Oto ukkaakenenta: Kalulut tonem baga le ituparoroipo sirimanua, ta kalulut pasigagalaiake Surukat.

Bulat ta momoi! Simaroipo le Taikamanua, sirimanua geti simaboko le, kele sitususurat ka Surat Sipunenan: “Bule imakoinong roipom ka bagat tiboietnu: samba numamanang ke tuukum ekeu.”