Popular Bible Verses from Ibr. 13

Share

Bui numaalau kam baga ka bulagat; kipa teret sibabara iangan te nupusasanangi kam. Aikuangan poi Taikamanua, “Bulat ta kuooreake ekeu samba bulat ta kukakaddiuake ekeu.”

Jesus Kristus geti ia leu ne nia sokat, kineneiget samba teret buruburu.

Ia te lulunia tonem le bagata masikua, “Si Tuhan le sirom aku; ta maloloto aku. Apate momoi ragalai sirimanua ka tubuku?”

Samba bui nukalipogi kam masigalai simaeru samba masikau paroman, buluakenen kele nene poi obaket bagat Taikamanua.

Oto kau imariuriu tabuluake kam pusurakat ka Taikamanua ka onin Jesus, ia te buat bibo silatsatnake oninia.

Suru kam sangamberimui putatalimou samba bui nupalolit kam pereman; aipoi sipuuumun samba sipaeelet iuukum le sia Taikamanua.

Bui nukalipogi kam masirauma sirimanua, aipoi kalulut pasirarauma, pat bara sabagei taiaagaietda raumarangan samalaika.

Ia geti Taikamanuan paabanan, sipasiririmanuaake minca Tuhanta Jesus, ia te Sipasijajago Sabeu ka sangamberi biribiri kalulut logau pakerekat baga sitaitatata, bule nia le masipatarek kam ka sangamberi simaeru nugalai kam obaket bagania, samba mugalai ka bagata apa sipasesese ka matania kalulut Jesus Kristus. Ka tubunia le pulatsanan teret buruburu! Amen.