Popular Bible Verses from Jak. 1

Share

Ale sasarainangku, ke iorak kam sene ngamata pasisiboat, addeake le kam nia puuktungan, nuagai poi kam, pasisiboat tonem bagamui masibaraake om baga.

Ke ai ka talagamui simagulai sikut paatuat, kau itiddou nia ka Taikamanua, – sipasikakau ka sangamberi sirimanua ka anggai bagania samba ta iaatsiake –, ta isosoppi ikau nia ka tubunia.

Repdep kam sasaraina kilibet bagaku! Senen sirimanua kau maruei masiarep, tapoi bui maruei manibo samba bui maruei mugolu.

Tapoi om baga nenda kau ibaraake bua simatua, bule ibailiu kam simasun eru samba simamuine, ta anai simagulai apa pa.

Kau le ibailiu kam sipasigagalaiake tiboiet, bui sarat masiarep masibokoi tubuna.

Mauktuk te sirimanua siomake pasisiboat, aipoi ke amoian iomake pasisiboat, silonangan kirit purimanuaiat sinibalaakenen Taikamanua ka sipununtuki nia baga.

Senen siloket simaeru samba panguruat sipulelelek sibara ka pata le, ka Ukkui pupatokat; ka tubunia ta anai pasiliat ele pasakkeriat kalulut pasiliat.

Aipoi kasei pa ke sarat masiarep tiboiet le, tapoi ta igagalaiake, makere le nia ka sirimanua sikinere pumataatnia ka puailiggobat. Lepa aiitco tubunia, tui nia, kalipoginangan leu kipa pagalaiat tubunia.

Puaarat simalina samba si ta loloiet ka matat Taikamanua Ukkuita, ia te: masibalou sipululusai siputataina samba sipululumang ka bagat gejat bagada, samba masijago tubu bui ilolitnake nia polak nene.

Ke ai kasei pa siorak pasisiboat, bui ikua, “Pasisiboat nene sibara ka Taikamanua!” Aipoi Taikamanua ta momoi isibo nia sikatai samba leu ta isisibo kasei pa. Itusisibo senen sirimanua geti lulut paniktingan samba pananakat pubotbonan tubunia le.

Saraina simageba kau imaangka bagania ke ibuakngake nia Taikamanua