Popular Bible Verses from 1Ptr. 4

Share

Tapoi sisaliu sangamberinia kau bulat panuntu kam baga pasasambamui, aipoi nuntut baga itabbo maigi jo.

Kau paletsei kam pasasambamui siripot panguruat sinilomui senemui, kele sipugagalai simatopit masipasikeli panguruat kiliu bagat Taikamanua.

Ke sipungangantoman, kau ipungantoman siripot sipasisesegeake tiboiet Taikamanua; ke sipuuku pasikelat, kau igalaiake nia siripot ron sipanguruatnakenen Taikamanua, bule ka bagat sangamberinia tulatsatnake Taikamanua kalulut Jesus Kristus. Nia poi sibakkat pulatsanan samba gege teret buruburu. Amen.

Tapoi ke masiorik nia kalulut pukikristen, bui imaila; kau le iumunake Taikamanua ka bagat onin Kristus nenda.

Kalepakat sangamberinia amalegerengan. Oto kau nujago kam tubumui samba mumata, bule ioi nupanindou kam.

Sasaraina kilibet baga, bui te imakisei ka bagamui juluu apit paoreat siooi ka tubumui masisibo kam, kele ai apa pa simasaliu sipuaaili ka tubumui. Bailoknia, kau le imagora bagamui siripot rubeiat sinilomui ka bagat pangoringan Kristus, bule imagora leu bagamui samba maangka baga ka teteret ipatoila pulatsanannia.

Parauma kam pasasambamui si ta ngungu.

Oto sia sipasioorik kalulut teu bagat Taikamanua, kau rasegeake ketsatda ka Sipasibabaraake sia simatopit, ka bagat masigalaiake simaeru.

Oto kalulut amasiorikngan Kristus ka putubuat, kam leu buita pupaatuanan kele nenda nuparon kam tubumui. Aipoi kasei sipasioorik pangoringan tubu, aiariakean mugalai jo, bule tetere sipulelegei taan nupakei kam nia murimanua masitut obaket sirimanua, tapoi masitut obaket Taikamanua le.

Mauktuk te kam ke rapaloloi kam kalulut onin Kristus, aipoi Ketsat pulatsanan, ia te Ketsat Taikamanua ai ka tubumui.