Popular Bible Verses from USOLWELO 14

Share

Mba nevwile liji lia kukatuka mwilu ngwo, Soneka ngwe, Kawaha afu aze akufwa muli Mwene, chize ku haliapwila ndo kulutwe: ewa, chocho anambe Spiritu ngwenyi, hanga akahwime ku yikilikita yo; mumu yitanga yo kuyakukaula hamwe no.

Muno muchili kunyongonona cha asandu, waze akufunga maliji a shimbi a Zambi ni Ufulielo wa Yesu.

Iye yamba ni liji linene ngwenyi, Ivwenu woma wa Zambi, numuchichimieke; mumu ola ya upatwilo wenyi hiyeza: wayilenu yoze watangile lilu ni hashi ni kalunga-lwiji ni mafuji ja meya.

Ni mungelo mukwo, wamuchitatu, waakawile, kanambe ni liji linene ngwenyi, Kachi umwe mawayila ngongo ni kaponya kenyi, akatambule mufunda wenyi ha huma lienyi, hanji ha kwoko lienyi, iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga. Ni mwishi wa kupinda cho muufwindangana ndo ku miaka yeswe ya mutolo; keshi kuhwima mwalwa ni ufuku, waze akuwayila ngongo ni kaponya kenyi, ni mweswe matambula mufunda wa jina lienyi.

Mba namwene mwe Mwana-panga, kanamana ha mulundu wa Zaione, ni hamwe nenyi kulakaji lia tununu ni makumi awana a tununu ni tununu awana, kali ni jina lienyi, ni jina lia Tato, linasonewa ha mahuma jo.

Mba namwene mungelo mukwo kanahumuka mukachi ka lilu, kali ni sango lipema lia mutolo mukwambujola kuli akwa hashi, ku mavungu eswe, ni ku minyachi yeswe, ni ku malimi pswe, ni kuli atu eswe.

Ni mukwo, mungelo wamuchiali, wakawile, ngwenyi, Babilonia yinene hiyapuzuka, hiyapuzuka, yize yanwishine mavungu eswe vinyu ya ufwatulo wa utanji wenyi.