Popular Bible Verses from A-KOLOSU 3

Share

nikulihumikiza umwe ni mukwo, nikulikonekena umwe ni mukwo, kachi umwe munengo a muli nawo mukwo, chizechene ngwe Kristu hananukonekena, chocho ni yenu nawa nulikonekene.

Nyongenu yuma yize yili kwilu, hi yuma yize yili hano hashi ko.

Cheswacho munulinga, chilingenu ni mbunge, chizechene ngwe kuli Mwene, hi kuli atu ko.

Kashika ngwe ana aze hanaatongola Zambi, asandu, waze kanaazange chikolo, zalenu mbunge ja keke, ni utu, ni mbunge ja kulikehesa, ni kushimbika, ni uhomboloji

Liji lia Kristu Ukatwame muli yenu lia kulumbama ni mana eswe; nikulilongesa nikulikanyamisa umwe ni mukwo, ni masamu ni miaso ni mimbo ya uspiritu, imbenu ni vumbi mu mbunge jenu kuli Zambi. Cheswacho munulinga, chipwe ha liji, chipwe ha chitanga, lingenu yuma yeswe mu jina lia Mwene Yesu, muli iye Sakwilenu kuli Zambi kanda mwe Tata.

Helu lia yino yuma yeswe zalenu zango, lize liapwa muya wa ungunu.

Kashika nyi hananuhindwisa hamwe ni Kristu, fupenu yuma yize yili kwilu, kuze Kristu ali, kanatwama ku chindume cha Zambi.

Sambukila ya Kristu yikayule mu mbunge jenu, ku yenayo hananutambika mu mujimba umuwika; pwenu nikusakwila.

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba

Mumu hinunafu, ni mwono wenu kuwaswama hamwe ni Kristu muli Zambi.

Alioze haliapwila mbilenu yino yuma yeswe; ni utenu, ni ufwatulo, ni uhuka, ni kushililika, ni kuhanjika cha sonyi mu makanwa jenu.

Kanda nuhanjika mahuza umwe kuli mukwo; se hinunazula mutu mukulu hamwe ni yilinga yenyi, nunazala mutu mwaha, yoze kanamupwisa mwaha ha yinyingi yeswe, nikulita ni kulifwa cha yoze wamutangile

Yenu malunga, zangenu akwenu-mapwo, kanda nupwa asasu kulimika no.

Yenu ana, Ononokenu kuli yisemi jenu ha yuma yeswe, mumu chino chinapemena chikolo kuli Mwene.

Yenu mapwo, zeyelenu kuli akwenumalunga ngwe chinatambe muli Mwene.