Popular Bible Verses from Boharni ad Johanes 12

Share

Su gorbo su gin ndounen longu masi ber boan gle ndoui aden ge, i da gin hengen ndrai aden le ndro su, aga ndrai ad Ndurmeh, su gin boharni nongen aden, su de noh hebsa bui, voasuiso mandrsu bui, su gin hanguruen mburer ad Jehova, mabenan su ginmad.

Malabo io hirong ngasen ndoun ad homo le lang, i vong, i bai: Malabo rang ad Ndorlaben gin meher, be Jehova Ndorlaben adu i beg ibdi gor masi gle aden, be Kristo i King ber gor masi. I ge, i da gin bo gord le ndro su ndere adu sidesi, i da gin dieni su le gord ad Jehova lobing e lorang, i ogo gin los.

Su gin bieni mbuei ogo mandromai, aga moad ber goru, i vonei beld Satan, ndremda seslaini su gor masi le longu momen, su gin bieni i le boan ma su Angelo aden le born ndro i.

Gor lundielang ha mugmug ge, mu masi mu do da ri ha mugmug manden. Gor ndro mu, gus aden mandromai, i danen rang aden baghege gina boen.

Malabo bahun manden ge i da le lang: Migael ma su Angelo aden su bo bahun le ndro mbuei. Mbuei ma su Angelo aden su bo iil le ndro su.

Malabo mbuei i gus mandromai le bihin ogo. I hilou ge, i bo bahun le ndro su ber um ad bihin, voasuiso nongen ad Jehova, su lao ad Jesu ge.

Io gin ilndri longu hendre si le lang, aga gelman manden ge: Io gin ilndri bihin homo, mernal gin nhui mandrn vara i da behendra ndegen, salion i da le borbalen, salion ogo ber biri masongul e ruo. Ndurn i da ndrnen, i loholo i dang, ndurn beg meher le boan.

Ndurn ad bihin gin meher, hom gamel, i da beg bogulue su Haiden le ndes aiern. Jehova i hedi ndurn i rui le gor lundielang, le logna aden. Malabo bihin i vob, i hilou le marboga le logna si, Jehova gin mengseni le ndro i. I da le logna aden le bing masobu e runged, e manonungul, Ndorlaben i hanguruen i le gan anen.

Muren io gin ilndri gelman si lie i gin mbsig le lang mbuei i ramen dege moan i gin mbsig, aga mbuei mandromai balen manondrdolo i da ndro i, nusuen masongul i do da ri, salion ber gold asu King i da le borbalen. I gin rui su bieni su le boan. Mbuei ogo i hilou baghege ndro bihin, ngendian le ndurn i da ndro i, i beg ieni ndurn, i da beg meher le boan.

Jehova i hengen le ndro bihin nemen marge ad manuai mandromai, i hilou, i voh le gor marboga, le logna aden, i gorni le bormarn ad moad. Le kristmas si, le kristmas maruo e sehendr. Ndorlaben i hanguruen i le gan anen. Moad ogo i rogumbunhi ndran mabosanged le ndro bihin, ndran ogo i dege ndran mandromai, i beg rui bihin, beg daii i. Gor boan i sobani bihin ogo. Bohon ber boan gin deh, i ilmui ndran manden, i da gin meher le bohon ad mbuei, i da gin rogumbunhi i.