Popular Bible Verses from Hebru 13

Share

Mbue meruamu dsoln, mbue hangungerou moni de memrad ber boan, longu i da ndro mu, aga i vonei le ademu. Jehova i ge gin bai: Io beg hanguruen uo sidegesi, beg sobani uo, io de gbieni uo bui.

Jesu Kristo ber bihe, i range dagara lie, i dege ogoro bing si e rang si sidegesi.

Iou ge, iou vong: Ndorlaben, i ge, i sobani io, io de noh hebsa bui, sehe longu momen su ndramed dansu hinen me ndro io ie?

Osbani su gle memrad ademu, ghanguruen su, su heb ndoa bui, aga dohor hian ge, dandu mugueni Jehova gleri.

Iou ha leng mugueni Ndorlaben gle ndoui ad Kristo, iou da dohor mugueni adu le ndro i, aga sengen hian ge ber gei adu. Iou gabmugueni ngarn gleri.

Homo ma homo i hanguruen nambulen ge, i de bo momen le ndro i bui, Jehova i bo gord le ndro su, su da bieni nambulsu, su da bo sungsou.

Ha somui su ber gor manan gle um ademu, su holel su gin bogulue su Angelo le um asu, dansu ri bui.

Jehova Ndorlaben ber mandri, i da gin hingeni Jesu Ndorlaben adu, ndremda bogulue su meh aden, le ngad aden, le ndoui ber ndrai aden, i ogo i ghengen le ndro mu gle hian ge, dege i ha lengi, i gob mburer gle bergolmu dege i voaniso gle ndoui ad Jesu Kristo. Iou bamugueni i bing si e rang si sidegesi. Amen.