Popular Bible Verses from Petrus I 2

Share

Mu ge, mu dege su King, mu dege su Prister, mu lao aden ge, mu ber gor aden helian, mu ad Ndorlaben ge. I ha lengi mu gobharni le ndro su mburer aden hian manden ge, i da gin hinen le ndro mu, be i gin rumburdi mu le gor ndrogmoan, gin rui mu gle sul aden hian manden.

I gin ilgi longu adu momen le hauen, i gin dadhe su le beldigei aden. I ha lengi, iou ginmad gane le longu momen, iou mamaren ge le longu hian monen ge. I gin regurdueni du le ngendian aden, le ndrai aden. Goru mu dege su meh, su da le sal momen ge, malabo mu gin belueni sal ademu, mu gin mul le ndro ndremda meh, i da bogulue mu gle hian sidesi.

Goru mu aden bui, malabo mu ad Jehova ge. Goru heb gahaloseli ad Jehova de la ndro mu bui, malabo ge gahaloseli ad Jehova dsoln i da ndro mu.

hian mu dege su mamemei, su gin meher le boan houen. Gien nongen ad Jehova, dege su mamemei su gien sus ad nanen, boen mu gmenda gle ndoui ber lang.

Mu ndere hian, io ndemani mu: Mu da dogi ge le sal ademu, mu ber gor ogo bui, mu ber gor manan ge. Hian e bieni hangungerou ber sengen ademu, hangungerou ogo momen ber sengen i bo iil sidesi gle ndro meluan. Ha dogi monen ge le sal ademu, le bormarsu Haiden. Ar su gogobaini mu, ar su bahilou le nongen asu, ar su ha vong nanenongen le ademu, su momen gleri. Ar homo i ilndri mburer ademu hian ge, i gabmugueni Jehova le rang aden hian ge.

Ar mu gmeher ndro i mu bahud mamaren ber um aden helian dagara lie. Mu Prister (ndremda dohor) helian ge, danmu dohor longu ber meluan ademu, dege Jehova ha lengi le ngarn ad Jesu Kristo.

Hian e bieni bern momen masi, mbue bahilou, mbue ar gogobaini su

Ar mu gmeher ndro i, aga i bahud mamaren ge, su ndramed, su gin robieni i, Jehova ge i gin bogulue i hian.

Ndorlaben gin rumburdi mu ndangen, mbue hinen longu momen, mbue gorni i. Gob mburer ademu, dege su lao dandendegei ad Jehova.

Aga Jehova i ha lengi mu ha dogi hian monen ge, boen dansu lugdo bohosu bui, su da gahi longu hendre momen ademu, su simge.