Popular Bible Verses from Loma 16

Share

O raranikay ko parihadayay a Kawas a miripa' ci Satanan. O papakaynien Ningra i wa'ay namo ko nipiporaric ci Satanan. Nanay, mapaini no Tapang a Yis ita kamo to mikomi!

Salikakaaw, palimo'ot kako i tamowanan. Pina'on kamo a minengneng to parawraway ato patahfikoday a tamdaw. O miliyangay cangra to ninanaman namo a sifana'. Piliyas kamo cangraan.

Nawhani caay ko matayalay to Tapang ita ci Kristoan ko matiniay a tamdaw. Deng o 'anof no tireng ko nido^doan nangra. O ko^sanay ato cisa'fitay a sowal ko sapisafana' nangra to ko^ngelayho ko faloco' a tamdaw.

Nanay mapa'dil ko Kawas! O nipatnakan ako a Nga'ayay Ratoh to pakayniay ci Yis Kristoan i, o patalahkalay i matini to nano masimeday no Kawas nai ti:yaho i kasarkarkad no mihcaan a pakakmoday a sowal. Pakayni i nitilidan no pali'ayaway to sowal no Kawas a cudad ato pipalimo'ot no mida'ocay a Kawas a mapatalahkal konini to sakafana'aw no tamdamdaw no kasakitakit a miti'er a mitoor ci Kristoan. Nanay pakayni i ci Yis Kristoan a mida'oc a mapahmek Cingra o tadacitanengay a dengan a Kawas. Amin.