Popular Bible Verses from Taneng 12

Share

O sakatoled no tamdaw ko rawraw no faloco', o sakalipahak no tamdaw ko nga'ayay a sowal.

O maolahay a mafana' a tamdaw i, maolah a milayap to sifana', mi'intel to misalofay a pa'icel ko maapaay a tamdaw.

Ano caay pina'on to sowal i, matiya o mikotangay a midoka' to tamdaw, nikawrira, o citanengay a sowal i, matiya o nga'ayay a sapaiyo a miadah.

O maapaay a tamdaw i, matamaay ko no mako saan, nikawrira, mitngil to pisalof ato pipa'icel no tao ko citanengay a tamdaw.

Ano makter ko maapaay a tamdaw i, tangsol sa a patalahkal to kter ningra, nikawrira, trep sa a mihadidi to pisamsam no tao ko citangalay a tamdaw.

O citanengay a fafahi i, o kacihrangan no fa'inay ningra, o pakangodoay a fafahi i, matiya o i kmoday no 'okak no fa'inay ningra a tatiihay a ^kang.

O ka'intelan no TAPANG ko misamangahay a ngoyos, o kalipahakan Ningra ko so'linay a mido^do to sowal.

O mo^celay a tamdaw i, o nga'ayay a singsi ato widang no fiyafiyaw, nikawrira, pamoraraw to lalan ko tatiihay a tamdaw.

O misamangahay ko sma a tamdaw i, ccay a mlet ko 'orip ningra, o so'linay ko filfil a tamdaw i, mida'oc ko 'orip ningra.