Popular Bible Verses from Taneng 11

Share

O halipalada'ay a tamdaw i, mangalef a matongal ko nika cakat ningra, o pipadama to tao i, o sakaci^poc no tireng.

O halipalada'ay a tamdaw i, matongal a matongal ko nika kadofah ningra, o ma'idiay a pasadak to ccaccay aca a tampiya i, mangalef a mangalef ko nika lapakosiya ningra.

O misatakaraway a tamdaw i, ira a mitoor i cingraan ko sakangodo ningra, o misapo^neray a tamdaw i, ira a patihi i cingraan ko taneng.

Ano awa ko mikriday i, o mamalasawad ko kitakit, ano 'aloman ko tadamaamaanay a tamdaw i, o rarihaday ko kitakit.

O cacihci to ma'oripay a kilang ko mo^celay a tamdaw, o mamihaklong ko tamdamdaw to citanengay a tamdaw.

O mangoyosay a tamdaw i, malsa' ko nisimedan ningra a dmak, nikawrira, misimed to dmak ko so'linay a tamdaw.

O adayayay a tamdaw i, o sakalmed ningra, o miforiforay a tamdaw i, o miri'angay to tireng ningra.

O miti'eray a tamdaw to dafong i, matiya o marasrasay a papah no kilang i kafarawfawan. O mo^celay a tamdaw i, matiya o kidmolay ko papah a kilang, matiya o kangdaway ko papah a kilang i kacanglahan.

Ano mamapatayto ko tamdaw i, o maanho ko ^poc to dafong, nikawrira, ma^deng a pa'orip to 'orip no tamdaw ko mo^celay.

O mo^celay a tamdaw i, o so'linay a faloco' ningra ko mikriday i cingraan, o misafana'ay a dmak no misa'fitay a tamdaw ko sakatkop ningra.

Ano makapakapah ko fafahiyan ano caay ka fana' to maan aca i, matiya o cikadangay to ^kim ko ngoso' a diyong cingra.

Ma'osi ko TAPANG to misa'fitay a satingting, maolah Cingra to marayasay so'linay a siro no satingting.