Popular Bible Verses from Taneng 10

Share

O nipalmedan no TAPANG ko sakacidafong no tamdaw, caay ko nika rorayan a ccay ko sakacidafong no tamdaw.

O karacaciyaway a tamdaw i, o sakaciraraw ningra, o paka'metay to ngoyos no tireng i, o citanengay.

Mipalowad to sakacacolicoli ko 'intel, nikawrira, ma^deng a mitahpo to polong no patlac ko olah.

O saka lapakosiya ko toka, o saka cidafong ko lalok.

O mama'orip ko mitngilay a tamdaw a mido^do to sifana', o kacalemceman ko 'orip no caay ka fana' to nika ciraraw no tireng.

O mo^celay a tamdaw i, tanektek ko aro' ningra, nikawrira, o misafana'ay a tamdaw i, o sakatfad ko pahrekan ningra.

O mangodoay to TAPANG i, o kako'daw ko 'orip ningra, o tatiihay a tamdaw i, mamoko' ko 'orip ningra.

Caay pacahiwen no TAPANG ko mo^celay a tamdaw, caay pihayda Cingra to kangalayan no tatiihay a tamdaw.

Ano ira ko faliyos i, mafret ko tatiihay a tamdaw, nikawrira, tanektek a tahada'oc ko mo^celay a tamdaw.