Popular Bible Verses from Matthaiga 6

Share

Eshi jorni Maura hungma‐harnira ruxurug‐naixjiwine egi washa de‐e harnaj hijornigishu‐kjanihawina.

Esge inke najge wojiwinianje hainigi jasgekjanegi, hainigishi washara kikunkjanena. Hamb‐hishanga wak’ina hina hiuanjena.

Esge hinigawina, wankshig‐hoi hashiniwira inke najge wokarajiwinina jagu raijanihawigi, egi shige jagu sharajgankjanihawigi, egi shige ro washiniwira jagu hoshawaxuikjanihawigi. Jasge inke wankshig‐hoira e hiraijeranaga, warujra worujisnishe, egi rora e hiraijeranaga wainira e warujisnishe?

Eshi ne, jaja ragikaraijegi, jhiakohi hashinieja hoikawaje egi jhirobra hornassaje, Hianjraga E nuxawanagra gikarajaje egi Hianjraga E washa nuxawara wajarnakshana harusharani hirowe‐ningigikjanena.

Egi deshesge gikarajra wawiaje: Hianjniwira wangregi shanagre rash hashinira wakanjank‐ningigirekjena, Hungma hashinira hiraijikjawina, woshga hashinira manegi uinekjena wangregi jasge hinankhi shesge manegi hirekjena.

Hamb de‐e waisgabduj harniwira hunkuwianje ningikarajwina.

Egi washa woishana warniwira waigit’unawire, washa hingishana warniwira wagit’untawira shesge.

Egi inke washa woishana uwahieja hunutiwinina, eshi wowonkjega eja hingijirawige khishibwiwine. Hungmara Ne‐hashinigaja egi homashjara Ne‐hashinigaja, egi hoishagra Ne‐hashinigaja manegusra, Amen.

Egi wankshigra washa hinigishana hirawigi waragit’usharawigi hishge wangregi Hianjrawiga‐nagre warnigit’unekjanihawina.

Woruxujwire, wanig wangregi herera, inke maxhoshuninankshana, egi inke max‐hikishere‐ninankshana, egi shige inke waisgabhojhieja hosto‐hininankshana, shesgarnunige Hianjrawiga wangreginagre waruj wogajena. Jasge inke ne hiraijaira niphiwinishe?

Ma‐tegi inke washa jexira sto‐wahinianje, eja wikiri egi hoxeg maisinj‐wahirekjanena egi shige wamanukera gixux hokawairanaga egi wamanuinekjanena. Eshi wangregi washa jexira sto‐wakshuwiaje, eja inke wikiri shige hoxeg maisinj wahiranikjanena, egi eja wamanukera inke gixux hokawairanaga wamanuhiranikjanena. Higu hajinja washa jexi washinira nankhi, hishge najge hashiniwira eja harnihairekjanena.

Warera hisha inke hirukanara nup wagire ruxurugninana, hisha hoshig’anaga egi hijanejega wogixetenana, egi shige hisha hakishuxji’uanaga egi hijanejega t’unarnana. Inke Maura egi shige’mamonra wawagire shuruxurugwinina.

Maura xawi maxreginagre waini shesge wagiunjegi, e hamb de‐e shesgarnaganaga, egi hainigi jhitakajhi rogeja wot’unairanana, inke de‐shesge hiraijera waini ningiuwininashe? Jowexjinig harnaxgu hashanagre.

Eshi jaja washa woga hashinira shungi nab hoirajge hashinira inke hiperes‐hinianje nab hoishoro hashinira jagu ungi. Washa woga hashinira harnuxawanje egi Hianjraga E nuxawara hajarnakshana exji harusharani hirowe ningigikjanena.

Hirakara‐uwiaje washa woga hashiniwira inke wankshig‐jowehireja uwinianje, hajawarnagii, shesgerawigi Hianjrawiga wangreginagre inke woirowe ningiunikjanihawina.

Egi jaja hantara‐ginajwigi, inke hishjara najgeteg winianje woishjankera jasgaire‐shunura wikisgawinianje, hishja‐warninera hijawakaragirena, hantaginaj‐nagra wankshigra hajairekjawige. Hisgexjina hinigawina woirowera kurusnankshana. Eshi ne, jaja hantara‐ginajgi nassu hashinira sarakaragiaje, egi hishja hashinira kurushaje. Ne hantaraginajra inke wankshigeja jantinikjena, eshi Hianjraga E nuxawanagra egi Hianjraga washa nuxawara hajarnagra, harusharani hirowe‐ningigikjanena.