Popular Bible Verses from 1 Yohana 2

Share

Yi ryok gwai ka̱sa ko nkyang a yet nying ka̱sa nani ba. Ki yi gwai ka̱sa ka yi ni gwai A̱tyyi nu ba. Sa̱rei nkyang a yet nying ka̱sa nani ni -- nkyang a rwam ku cat i, bu nkyang a a̱ssi na cat i, bu nkyang a shyi ka̱sa ka ba̱nyet ban yet a̱ccu mba ni -- na yet nying A̱tyyi ba, ma nying ka̱sa a̱mi.

Ka̱sa kani sa̱rei bu nkyang a shyi ka̱yat nka ba̱nyet ba cat i ni tyak, ma a̱yin nu a̱ shyi i yya kyang a Ka̱za ka cat i a̱ ni kwu ba.

Ka̱ a̱yin a̱ hywa da̱ yet a̱nying Ka̱za, to, dolet na̱ cong ka̱sak ka Yesu na̱ yin cong ni.

Na̱won nzuk, n ya jem i yi gi wwon a̱ka̱tukyya nu. Ka̱ a̱yin a̱ ma̱n kpa a a̱ka̱tukyya, zi byyi Yesu Kristi, a̱zizrak a̱yin, nu a̱ shyi i naai A̱tyyi nu ka̱nu njit.

Ka̱ a̱yin a̱ hywa, “N ku bvwo,” ma di na̱ tssup truwang Ka̱za ji ba, taka̱i a̱yin iya i yet ba̱ a̱bvei dira, ka̱ryong ka shyi ka̱yat nu ba.

Ki zin tssup truwang Ka̱za ji ni, nkpa ni tyyei ka̱sak ka zin ka̱ bvwo ni.

A̱yin nu a̱ hywa da̱ shyi i ka̱bvwa sai i wwon a̱ bo shyi i rak ryi a̱wumba nu ni a̱ ri shyi an dyin.

To, a̱nyan a̱ yet a̱bvei dira nu? A̱yin nu a̱ hywa di Yesu nu a̱ yet Kristi ni ba. Taka̱i a̱yin a̱ya a̱ yet A̱ra̱ndwan Yesu rot a̱ rak A̱tyyi nu bu Ka̱won ka.

Rot a̱yin nu a̱ rak shim Ka̱won ka ni a̱ rak A̱tyyi nu. A̱yin nu a̱ ma̱n shim Ka̱won ka ni, a̱ shim A̱tyyi nu.