Popular Bible Verses from Ovakolose 3

Share

Tjindasaneye nu mu isirasane umwe tje nouzeu nomukwao. Nu mamu sokuisirasana otja Muhona punga e mu isira.

Zemburukeye imbi vyokombanda, nu a ha rire imbi vyokombanda yehi.

Natjihe tji mamu ungura, ungureye nomitima vyeṋu avihe aayo mamu ungurire Muhona nu kamu nakuungurira ovandu.

Oweṋe otjiwaṋa tja Ndjambi otjitoororwa, neye we mu suvera. Otji mamu sokukara notjari nounyaṋutima nomerisusuparisiro noupore nomuretima.

Ombuze ya Kristus ngai kare mu eṋe okutakavara. Hongasaneye nokurongasana nounongo auhe. Imbureye omapsalme nomaimburiro nomatangero omayapuke; imburireye Ndjambi nondangero momitima vyeṋu. Natjihe tji mamu tjiti nangarire okuhungira, nangarire okuungura, tji tjiteye atjihe mena ra Muhona Jesus Kristus amamu tja okuhepa ku Ndjambi Ihe okupitira mu ye.

Nu kombanda yaimbi avihe suverasaneye. Orusuvero ondu ri otjiwaneke tji tji mu kuta kumwe okuura.

Nu tjinga amwa pendurwa pamwe na Kristus, otjinga amamu sokupaha imbi vyokombanda ku ku na Kristus ngu ri pehi kokunene kwa Ndjambi.

Ohange Kristus ndje yandja ngai honapare mongaro yeṋu. Nu mohange ndji Ndjambi we mu isana kutja mu kare otja ouṋepo worutu rumwe. Nopu mamu sokumutjera okuhepa!

Nungwari nambano mamu sokukoza ozonḓuma zouye nḓe ri mu eṋe; okutja ombakirasaneno, ouhakohoke, omananukiro wonyama, ozonḓuma ozombi, omunenetima (omunenetima owo omerikotameneno kovisenginina).

Orondu eṋe mwa ṱa, nominyo vyeṋu vya horekwa pamwe na Kristus mu Ndjambi.

Nungwari nambano tweye pehi oviṋa avihe mbi: Omazenge nomapindi nonyengo nomayambururiro. Nu ngaamu piti omambo wouhahu movinyo vyeṋu.

Amu wovisasana, tjinga amwa hukura omundu ingwi omukuru novikaro vye, namu zara omundu omupe. Ndjambi, Omuute we, we mu yarura koupe otja kosaneno ye kutja a yenenise ombango ye.

Murumendu, suvera omukazendu woye, nu o kara nombeze ku ye.

Vanatje, kareye nonḓuviro kovanene veṋu mu avihe, orondu tjinga ape tjata ku Muhona.

Mukazendu, riwisa kehi yomurumendu woye, otja omukambure mu Muhona tji ma sokutjita.