Popular Bible Verses from 1 युहान्‍ना 4

Share

इसिका खाल्को प्रेमता थिका मान्थुखे, कालाउ इसिका प्रेमहोइ थिका लाअ्पाखे। हाइपालिपानु जेसापा केलाइ थिनाखे पानु केलाइ न्यायको दिनाको दन्डको भाअ्सिङ थिका हिनाखे, कालाउ इदोइहोइ तिङपाखे कि केलाइ वाको सिद्द प्रेमहेङ आनुभब पाका मान्थुन्हाहि।

नाअ् जाइ काङको आनाउ जामाललाइ भाइकाङ हिसुना, नेलाइ चाहि परमेस्वरको द्‍याङगेलाइ हिसुना, कालाउ नेलाइ धाताइका आगमबक्तागेलाइ ह्रुता बिजोइ जेङका हिसुना। हाइपालिपानु जेदोङ पबित्तरो आत्मा नेलाइ दोफा हि, वा सुमिङता हिका साइतान जाइ इदोइ सुमिङको द्‍याङगेलाइ जाइ परमेस्वरहेङ मानाल्खे, इम्बालाइ ह्रुता खाबारा पाखे, वा इङको खान्तेङ माहान हि।

केलाइ परमेस्वरहेङ प्रेम पानाखे कालाउ एमिसो-भेनेङहेङ प्रेम पानाखे, हाइपालिपानु लाम्फा परमेस्वर केलाइहेङ प्रेम पाहि।

आनाउ, केलाइ एमिसो-भेनेङहेङ प्रेम पाइने, हाइपालिपानु प्रेम परमेस्वरसो लोखे जाइ आरुहेङ प्रेम पाखे उङको परमेस्वरको सान्तान दोङ, कालाउ वा परमेस्वरहेङ नाल्खे।

जाइ आरुहेङ प्रेम मापाखे वा परमेस्वरहेङ मानाल्खे, हाइपालिपानु परमेस्वर प्रेम हिका हि।

सत्ये प्रेम या दोङ हि: केलाइ परमेस्वरहेङ प्रेम पाकानाङ माको, कालाउ वा दोङ केलाइहेङ प्रेम पाहि, कालाउ ताइको चानहेङ दिङगिल्पिहि। कालाउकि वाको बलिदानसो केलाइको पापको दन्ड स्यामा जेनाको।

आनाउ, जेसापा परमेस्वर केलाइहेङ एसापा प्रेम पानु, केलाइ बुङ एमिसो-भेनेङहेङ प्रेम पालि गोइखे।

परमेस्वर केलाइहेङ एसापा प्रेम तिङपाहि, कि वा दोङ ताइको एमि खिनिङ चानहेङ सुमिङता दिङगिल्हि, कालाउकि केलाइ वाकोसो आनान्त जिबन निङलि द्वाको।

जेसापा हासु बुङ का परमेस्वरहेङ प्रेम पाखा दोअ्खे, कालाउ ताइको खान्धुराइ ओनेहेङ मन्दा माताखे पानु उङको धातुवा हि, हाइपालिपानु ताइमिङ तिङका खान्धुराइ ओनेहेङते प्रेम मापाखे पानु मातिङका परमेस्वरहेङ प्रेम पालि माद्वावा।

जाइ येसुहेङ परमेस्वरको चान हि दोअ्तेङ सुइकार पाखे, वा दोफा परमेस्वर हिखे, कालाउ उङको चाहि परमेस्वर दोफा हिखे।

केलाइ वाकोसो इदोइ आग्या निङका हिनाहि, कि जाइ परमेस्वरहेङ प्रेम पाखे वा ताइको खान्धुराइ ओनेहेङ बुङ प्रेम पालि गोइखे।

आनाउ खान्धुराइ ओनेगेलाइ, ताइमि दोफा पबित्तरो आत्मा हि दोअ्का झाराङहेङ खाङधुरि मापासु। कालाउ आत्मागेलाइ परमेस्वरसो लोका हि, कि माको दोअ्तेङ वाको जाच पासु, हाइपालिपानु हेन्जा धाताइका आगमबक्तागेलाइ इदोङ सुमिङता हि। इदोइ पाहा नेलाइ परमेस्वरको आत्माहेङ नाल्स्वाना कि गोताङ आत्मा जाइ येसु ख्रिस्ट द्‍याङ जेङतेङ लोका हि दोअ्तेङ सुइकार पाखे, उङको परमेस्वरसो हि।

कालाउ येसुहेङ द्‍याङ जेङतेङ लोका हि दोअ्तेङ सुइकार मापाका गोताङ आत्मागेलाइ परमेस्वरसो माको, कालाउ इङको ख्रिस्ट बिरोधिको आत्मा हि, जाइको बिसोइता इङको लोखे दोअ्का नेलाइ हिङका हिसुना। एला इङको इदोइ सुमिङता लोलि दोका हि।