Popular Bible Verses from Keluaran Uram 8

Share

Ani, mirei bingna nang ababyi sun mirei aryi, “Suma darur,” tenen ukubdenmai uca, kum kunubmou. Eda Harun biryi ukubmou dinyi asi suma danmouci, ninyi nong deici babyi, kamyoa nong deici babyi nirya amubmai. Ura, a mirei bingna nang aryi Mesir sienyi bisi ato ebmai, “A kunubmar dinyi ara Er Imtamnyi taruk aryi kunubmar,” ebmai. Uca, Er Iya Erebdobnyi biryi minob eamwe to kuboka Mesir sienyi kanya kat biribokmouci, sun uram kum kekebmou.

Er Iya Erebdobnyi biryi Musa bisi ato ebmou, “Ni wibdeibse nang Nisi si weik eboka molorbinkwaning ati, talebumwa takdongobdum. Mesir sienyi bisi bindoka ato ebdum.

Bita sirya dibmai asi, Mesir sienyi eibmou ura, er kanya teleb kubmou cok, kanya kat biribokmou. Er Iya Erebdobnyi biryi eamwe to kunuboka a bitinyi nang uram kum kekebmou.

Ni wibdeibse nang asi kum takdongobminyi ura, Niryi weik wenena kan mutuk nirya bita karebkwaman.

Er Iya Erebdobnyi biryi Musa bisi ato ebmou, “Harun bisi ato ebdum. ‘Kan kama aryi tukwetam asi iboka kulabdum,’ ebdum. Ba, tukwe borbota aryi suma dandoka Mesir mutuk nirya oblibkwande,” ebmou.

Iya Erebdobnyi biryi ato ebmou to kunubmou ura, Mesir sienyi atei dam asi bum mitik kum yanmou. Ani, er wa in nang atei ababyi wekmou. Ani, Mesir mutuk nirya oblibmou. Ba, a mutuk ara bum amuramwe aryi mambul doramnyi.