Popular Bible Verses from Keluaran Uram 7

Share

Er Iya Erebdobnyi biryi Musa bisi ato ebmou, “A bikandum, Niryi kansi, Ni Imtamnyi bitonyi kiboka, Mesir sienyi Firaun biryi kansi molonkwankiranyi kibdeibkwankin. Ba, kan du Harun bira kan uram boboka etererbananyi kibdeibkwan.

Uca, Niryi Firaun kanya kat kibdeianiryi ikin weik dinyi ab ilil tenen dinyi ilinto kibdeiboka Mesir mutuk dam asi karebkwan. Firaun biryi sun uram kum kekebsici ura, Ni taruk aryi Mesir mutuk dam aryi Israel nang asi Niryi wiboka yin doun nang kibdeibse nang anabdeibnyi ba, Mesir nang asi ikin weik dinyi kareboka wenebkwaman.

Ba, Niryi Mesir mutuk asi ikin dinyi kareboka wenebnyi ura, sun kankan dam aryi Israel nang boboka anabdeibkwan. Ba, Mesir nang aryi Nisi, ‘Erda Iya Erebdobnyi dib kurur,’ tenebkwaning,” ebmou.

Ba, Firaun bibabyi Mesir mutuk nang asing kerket nang ab, mirei bingna nang ab asi arukmou ba, sunbabyi sun mirei bingna dinyi ukubmai ba, kwatima danmou. Ukuboka sun kama yuk-yuk donokmai ba, kwatima dansekmai. Ba, Harun kama aryi kwatima danmou dinyi aryi sun kama aryi kwatima dansekmai kwatima asi tomoboka alubsekmou.

Ati, Iya Erebdobnyi biryi ato ebmar, “Iya Erebdobnyi dib kurur,” tenebkwindimca. Ura, a dirum a doubman kama aryi me Nil asi obnyi ura, me nirya ining akwe dankur.

“Mesir sienyi Firaun biryi, ‘Ilil tenen dinyi ni urasintam ukubderurum,’ ebsici ura, Harun bisi ato ebkwandum. ‘Kan kama doboka Mesir sienyi dam asi donokdum,’ ebkwandum. Donokci ba, a kama ara kwatima dankwande,” ebmou. Ura, Musa ab, Harun ab kunuboka Firaun dam binmarei ura, Iya Erebdobnyi biryi ebmou to kunubmarei. Ura, kama Firaun dam ab, er wa in nang dam ab donokmou ba, kwatima danmou.