Popular Bible Verses from Keluaran Uram 3

Share

Uca, Er Imtamnyi biryi ato ebmou, “Nira, Ni a kununyi a kunum kunun. Ati, kanci, sun Israel nang dam asi biminyi ura, ato ebkwandum! ‘Er si ara, “Nira, A Kunun, A Kunum Kunun,” ebdanmaranyi biryi ebdeibmar to sun dam eryanman,’ ebkwandum!” ebmou.

Uca, Er Imtamnyi biryi uram dengna ara ato ebmou, “Kan ilil kukina mem! Niryi kansi milibkwankin ati, kanci akatei nang asi Mesir mutuk aryi boboka a mutuk kon dam asi boyankwandim. Boyaminyi ba, sunci a mutuk kon dam yandoka Ni si weik ebnumunyi talak aryi, kanci ‘Er Imtamnyi biryi nisi bokdonokoka miliranou,’ teneboka bikdankwandim,” ebmou.

Ura, Er Iya Erebdobnyi biryi ato ebmou, “Dam a yangana mem! Kan yandoka tikmarim dikum ara malyi dinyi beterdongona mem dikum ati, kanci kanya luknubdongoboka kan yan karuk kwiribdeibmincok, ni dam a yarum!

Ura, Er Iya Erebdobnyi biryi ato ebmou, “Ni wianse nang, Israel nang asi Mesir mutuk mambul mitik kum donung ara Ni sirya diboka eirinun. Sun Mesir nang aryi talebsei asi, ‘Lebdeibsiting,’ tenen ngalukoka Nisi uram donunung ara Ni sirya kekenun. Dib kobdob ati sun mambul weik donung ara Ni sirya bingnun. A deyok aryi sun Israel nang asi Mesir nang taruk talebyi bok lebdeibkwaman ati yuryanman. Ba, Niryi sunsi iniboka, iya telebto ilila mutuk bakan asi, sapi moum yung ab, kwiryi me ab ilinto kurur mutuk bobinkwan. A mutuk ara Kanaan yala nang mutuk ab, Het yala nang ab, Amori yala nang ab, Feris yala nang ab, Hewi yala nang ab ani, Yebus yala nang ab, kunung mutuk dam asi bobinkwan,” ebmou.

A mutuk dam aryi Musa biryi dinmou uca, tiling co deici uk buk angmoua kankan aryi Er Iya Erebdobnyi uram eryuryangananyi biryi er dam lak kibdanmou. A tiling co asi uk buk ilinto angmou bok, a co ara ton yaliboka yirdena kum kubmou asi eibmou.

Ati, ukuryok aryi kanda Mesir mutuk weik sienyi dam bokdonokinyi ba, biminci, Ni wianse nang, Israel nang Mesir aryi anaboka sunti nukanse mutuk bobinkwandim ati bokdonokwinkin,” ebmou.