Popular Bible Verses from Keluaran Uram 2

Share

Ba, sun moloramnyi dinyi ara Er Imtamnyi biryi sirya kekebmou. Er Imtamnyi biryi sirya kekebmou ura, Erci Israel nang sun abwe yabwe Abraham ab Ishak ab Yakub ab asi ebdeiamwe dinyi kanya teneibmou. Kanya teneibdenmou ara ato teneibmou, “Israel nang asi mambul weik wa arungnung ba, mambul asa il donung ara lebdeibkwan,” tenebmou.

Kwalina o kwali-o kwali baramnyi ani, Mesir mutuk weik sienyi dibmou. Sirya dibmou bok, Israel nang ara mambul weik wa asi tuba iramnyi deyok aryi, “Se, una kuboka lebdandobkwayeb do?” eboka Er Imtamnyi bisi ngolokoka moloramnyi.

Moum diniramwe ani, sirya kanya kibmou ura, er kwin biryi Firaun nebnyi asi karerbinmou. Ba, Firaun nebnyi biryi a mi ara er mi kobdoba ato kibdobmou. Ura, ato ebmou, “A mi ara me deici aryi doanwe ati, ‘Er si Musa,’ eboka dobne,” ebmou.

Ura, Mesir Firaun nebnyi biryi a iniyanmou ner si Yokhebet bisi ato ebmou, “Aminda dekwankin ati, a mi boboka moum dinirdeirirbinurum,” ebmou. Ba, a Israel ner biryi a mi boboka moum dinirbinmou.

A diblilibokmou talak aryi, Mesir weik sienyi si Firaun nebnyi, “Me kekwan,” tenen me Nil kin yuryanganmou. Yuryanganmouci, diramwe uca, tower aling kuna wiamnyi dinyi asi me nunia kankan me ayun deici borkengmou asi asing eibmou. Ura, er wa irmilin nerabwe ara me kubkub yibarkiringmai bok, Mesir sienyi nebnyi aryi ner tentok asi, “O keica doboka boyanurum!” ebmou.

Kuramnyi ani, Musa sirya nebdobmou talak aryi, “Ni atei Israel nang kununga dirbinkwan,” teneboka dirbanmou uca, mambul weik wa dimnamnyi ba, iramnyi asi asing eibmou. A dirbinmou uca, Mesirnyi biryi Musa ateinyi, Israelnyi bisi onmou asi asing eibmou. Ura, Musa biryi dinatam dibde-dinatam dibde kimdiu uca, ninyi ton kum dinmai. Ura, erci Mesirnyi bisi obmouci, iniboka me wininga umbura alibokaburyi, dongobmou.