Popular Bible Verses from 1Tesalonika Uram 4

Share

Sirya kam bukoka imtam ai welebingnyi ura, nun Nai Imtamnyi biryi karebsici uca, nun kum diamibyi nang kam tuba kuramibyi nang ara aminda aryi welebinkwayeb. Welebinmabyi ura, duwa deici aryi kubibiryok, nunbabyi nun Du Yesus ab tonkwa ebdankwamib. Ato kuboka nun dib tenen nang nirya ara nun Du Yesus ab tonkwa iya kubkwamib.

Nun Du Yesus imtam aryi kuboka tamuryangariryi, Erci arukci ba, sun dib tenen nang diamingnyi ara kam tubto bukokwaming. Ara, nun Du Yesus tamuryangaci ba, Er Imtamnyi Uram eryuryangan nang sienyi biryi uram weik dobkwande. Uram weik dobci ura, Er uram eryuryangananyi yuknyi biryi, “Er Imtamnyi biryi sun dibmangnyi nang bukeibkur,” tenen, “Sun dibmangnyi nang kekebingiryi, kam bukokwaming,” tenen buu ena si sangkakala dobiryi, lilim weik ebkwande. Lilim weik ebkwande uca, sun dibmangnyi nang ara nun Du Yesus Kristus dam kun nang yuma kobdob kam bukokwaming.

Nun Nai Imtamnyi bira, “Sun dib tenen nang ara ato-ato kuna teleb,” tenesurur dinyi ara sun sirya bikmarum. Ara, Erci sunti, “Niryi wibdeibmase nang ara ato kubingiryi, teleb dinyi akwe ukubting,” tenesurur. Ati, nun Nai Imtamnyi biryi sunti, “ ‘Ner ukula yobtinyi, sal ur talyi yobnute,’ tenen kanya ara bai donokting,” tenesurur ati ebman. Ara, sal babyi ner babyi sun damnyi diboka kalingdaramunci, talyi yordana tenen dinyi nirya asi bai donongna teleb. Ato kubmunci, sunci, “Teleb dinyi ukubkwamib ati nun Nai Imtamnyi biryi nunsi wibdeibsou,” tenena teleb. Tonda, sunci ato teneina teleb. “Nun Nai Imtamnyi ab tukwetam nang ababyi nunti, ‘Kikib tenen dinyi akwe kuraming nang,’” tenena teleb.

Sun dib tenen kum nang ara ato kurande bok, nunda dib tenen nang aryi tenen kanya ara yukto kurur. Ara, nunci, “Nun Nai Imtamnyi bira sun dib tenen nang dibmangnyi ababyi kam bukeibkwansir,” tenen bingnub. Ara, nun Du Yesus dibmou ani, kam bukokmou to, sun nun Du Yesus bisi dib tenen nang ababyi neiktoto kubkwaming. Ara, sirya dibmangnyi asi nun Nai Imtamnyi biryi sunsi kam bukeibkwansir. Tonda, nun Nai Imtamnyi biryi nun Du Yesus biriman aryi karebsici uca, sun diamingnyi dib tenen nang ara nun Du Yesus bisi miliboka imtam ai wengbinkwaming.

Tonda, sunci, “Yuk nang ab antanibdeiboka kubdobkwayeb,” tenen teleb akwe kuna teleb. Tonda, sunci, “Ato-ato kubdarur,” eboka sun yuk mabwe silib asi arukmunyei. Tonda, sunci busul kuboka sun wa yuk-yuk ina teleb. Ati, nunci sunsi minob ebdeibmoubwe to, kununa teleb.

Nun Nai Imtamnyi bira nun dib tenen nang asi nabsou ara talyi yordankwamoubwe ati nabsou do? Ato tenen kum. Eda, Erci nunsi nabsou ara, “Nira Imtamnyi biryi wibdeibse nang ato kubingiryok, teleb dinyi akwe kunubkwaming,” tenen Erci nunsi nabsou.