Popular Bible Verses from 1Tesalonika Uram 5

Share

Bukman mabman nirya sun kanya ara kilkil kuna teleb. Tanglona kum uca nun Nai Imtamnyi bisi molobdarur. Tanglona kum uca sunci nun Nai Imtamnyi bisi, “Ei nun Nai,” ebdarur. Sunda nun Du Yesus Kristus dam kun nang kundarur ati, nun Nai Imtamnyi biryi sunti, “Ato dinyi kuna ara teleb,” tenesurur ati ebman.

Ura, nun Nai Imtamnyi bira antanirdeirisin deyoknyi biryi sun Tesalonika nang asi karebsici uca, sunda nun Nai Imtamnyi biryi wimna nang ato kuramunci, teleb dinyi akwe ukuna teleb. Ara, Erci tanglona kum uca sunsi diboka kaliksici ura, sun tenen kanya nirya ab sun nong ab kerebmasin kumto kuna teleb. Ara, nun Du Yesus Kristus imtam aryi kuboka tamuryangaci ura, Erci sunda Tesalonika nang ati, “Kerebman kumto kunung,” esina teleb. Nun Nai Imtamnyi bira sunsi, “Ni mabwe nermabwe,” eboka nabsounyi bira Er Uram diboka kunurandanyi kurur. Ati, Erci sunsi kum taklobkwansir.

Ninyi aryi sunsi malyi kurdeiriransingnyi ababyi, sunci, “Tamuboka dekeibkwan,” tenen malyi kubdeibmunyei. Eda, sunci diboka teneibmunyi ura, sun mamun teleb kurdeirirdana teleb. Tonda, sun yuk nang ababyi teleb kurdeirina teleb.

Ati, sunci a uram luba kum kuboka eterebdandoka sun kanya yuk-yuk katabum ebdeibdandarur. Sirya ukurandum ura, ni sirya bikmasin ati niryi sunsi, “Tanglona kum uca ato akwe tuba ukubdandarur,” tenen ati ebman.

Ura, nun kwit yabwe, nunci ebdarab eboka, “Ato-ato kuna teleb,” en uram ton ebtabakwayeb. Ara, sunci sun, “Wa ina nun li,” tenen nang asi wenena teleb. Tonda, sunci sun mambul kanya boramingnyi nang kanya asi katabum erdeirina teleb. Sunci sun mitang nang ton yuk-yuk dinyi ataranci nang ton teleb kurdeirina teleb. Tonda, sunci sun dib tenen nang ton sun dib tenen kum nang ababyi yu uram minola kerebmunyei. Eda, sunci a nang asi boukwe kibwandarur.

Nun Nai Imtamnyi bira nunda dib tenen nang asi, “Ikin dinyi takubdeiboka iya wenebkwan,” kum tenebsou. Eda, Erci nunti, “Lebkwan,” tenebsou ara, nun Du Yesus Kristus biriman aryi Erci nunsi lebkwansir.

Sun nirya ara berengna dam kun nang akwe kundarur ati ebman. Tonda, sun nirya ara kitingtam kubde ban nang kundarur. Nunda dib tenen nang ara malyi kun dinyi kum kuramib ati, kunuk dam kun nang ato kum kunub.