Popular Bible Verses from Job 1

Share

Ondaka o Job ustilo, pharrada pe patave ta jaliarda po soro, ta chudiape pe te blagosil e Devle, ta phenda: Nango avilem pe gaia phuv, ta nango si te llautar latar. O Del dia, o Del lia, ¡Te avel blagosime e Devleko anav! Ta ande sa gala ezgode, o Job ni cherda o bilachipe ta ni thoda e dos po Del.

Ande phuv katar o Uz saia iek lleno kai ikhardola Job, kai leko zivoto saia chacho ta orta ta dela liubao e Devle, ta ni saia ando bilachipe.

Ondaka o Del phenda leke: ¿Dikhlan sar si mo sluga o Job? ¡Inai niko sargo vou pe phuv, vou si chacho ta orta, del liubao e Devle ta inai ando bilachipe!

O Del phenda e Satanaseke: Sogo si le akana si ande che va, samo na thov cho va pe lete. Ta llelotar angla o Del o satanas.