Popular Bible Verses from Eklesiastes 3

Share

Suako ezgoda si la lako vreme, ta sogo si pe phuv si le leko saiato.

Si o vreme te biando, ta si o vreme te mere. Si o vreme te thove e simicha ande phuv, ta si o vreme te chirde so thodan ande phuv. Si o vreme te mundare, ta si o vreme te sastare. Si o vreme te zatri, ta si o vreme te lachare.

Si o vreme te rove, ta si o vreme te asa. Si o vreme te ave zalosno, ta si o vreme te chele. Si o vreme te rispi e barra, ta si o vreme te chide e barra. Si o vreme te abrasi, ta si o vreme te na abrasi.

Si o vreme te pharrave, ta si o vreme te suve. Si o vreme te ache, ta si o vreme te de orba. Si o vreme te voli, ta si o vreme te murzi. Si o vreme te mare tut, ta si o vreme te avel pas.

Si o vreme te rode, ta si o vreme te jasare. Si o vreme te guruve, ta si o vreme te chude.

Ta llanav kai sa so cherel o Del ka avel ostade, ta pe gua ni ka thodol niso ios, ta ni ka ikandol niso letar, ta goia ezgoda cherel la o Del, te sai den le liubao e manusa.

Goleke phenav kai o Del ka krisil e lache ta i e bilache, soke si iek vreme suako ezgodake kai mange, ta suako ezgodake kai chere.