Popular Bible Verses from Ukunukuo 22

Share

Nene në Alfa na Omega, Mwandyo nanë Mpeo, wa mwandyo nanë wa mpeo.’”

“Na rarava Yesu, ‘Nëjie ruvë, itambëëmwe na gënyamwëmo në nëjieumufa mu muntu uhonga na ntendo yakwe.

Mwahu nanë musyëda vehanye, “Nju!” Mu muntu nëugutëgheeya ërëë, në ahanye, “Nju!” Na wasuu në wina nyweta në aje; na wasuu nëugufenja ayahoe maje a ufanga ndende.

Bahu awe vasaa nëvëuhomboa masaa awe, vëtendeke vina udaho uwendea mutë uroo wa ufanga, gëngëa u muji gwa ukëree vinyamwango vyakwe.

“Na rarava! naja ruvë bahu akwe nëuguyikunyatëa nkhani ya udaghui në wë mugëtabu ëkëë.”

Utiku utëudwëëra kangë; vëtijieufenja weru wa gëmwëë mba yuva, gusoko Müküü Muungu ugeuvamwëkëa, veesonoo vëjiegibala khae na khae.

Mweesonoo nëuguduya usudangëe wakwe gwa mantu ayaa uguhanya, “Nhaa! Nëjie ruvë.” Amina. Nëëtëndeke uvii! Njuu Müküü Yesu! Mboto ya Müküü Yesu itëndeke itambëëmwe nanyee nyoong'e. Amina!

Ngumusudangëa mu muntu nëugutegheya nkhani ya udaghui wa gëtabu ëkëë, muntu gëkaku nëwongeeya roong'e mu mantu ayaa, Muungu ugumwongeeya makhuvi nëëandëkiwe mu gëtabu ëkëë. Na muntu gëkaku nëwaheya roong'e mu nkhani ya udaghui wa gëtabu ëkëë, Muungu ugumuhegheya mpamba akwe mu mutë wa ufanga, nanë mpamba akwe u muji në weru, mwino ërëghëtiywe mu gëtabu ëkëë.