Popular Bible Verses from Ukunukuo 21

Share

Mweeso uguyifyaghua ndighëgo yawe yoong'e; mbesa ikuya rëtiudwëëra kangë, mbesa uhongeya, mbesa gëëro, mbesa uvavi; atiutendeka arëfo kangë gusoko mantu ayoo në a kheengë akëire!”

Kangë uyoo nënaawikhee gunto a itumbë ra utemi agaanya, “Rarava, nëuyatënda oong'e mafya.” Agankhanëa, “Andëka nkhani iyëë në ya uhuvëëka na ya tutë!”

Nëgatëgheeya ruri üküü ufuma mwitumbë ra utemi uguhanya, “Rarava! Muungu watëndaa mikhao akwe mukhatë a antu. Ugikhaa mukhatë awe, veesonoo vëutënda antu vakwe, mweesonoo ugutënda Muungu wawe.

Agankhanëa, “Akhondaa! Nene në Alfa na Omega, Mwandyo nanë Mpeo. Në wina nyweta ngumufa gëntu ga unywa ga usoo ufuma mu murihë wa majë a ufanga.

Gëkaku muntu nëuguhuma ugughenyifa chëëke: Nene ngutënda Muungu wakwe mweesonoo ugutënda mwanane.

Ëgweeso antu në woova, nëvëtihuvëë, nëvëyaghee, vooraghi, alehadi, aroghi, nëvëukurya sanamu, nanë vëgheghe voong'e, itumbë rawe rëutëdeka mukhatë a irambo ëroo nëryakyë moto nanë gëbirigitë; rasëë unë ikuya ra gavëë.”

Kangë nëgaona irunde në ifya na ng'ë në mpya. Gusoko irunde ëroo ra mwandyo na ng'ë ëyoo a mwandyo yakëire, irambo ryësonoo rënadwëëra kangë.

Nëgaona muji uroo në weru, Yerusalemu në ufya, ugutununta ufuma kunë Muungu girunde. Naa uning'anëywe vija mwino musyëda nëworiwe ruku utang'ana na mughohi wakwe.

Muji wasuu utyufenja yuva mbesa mweri uwumwëkëa, gusoko weru wa Muungu uguwumwëkëa, na gëmwë gayo unë Mwankhoo uyoo. Ana arëmi vëjie gweenenda mu weru wayo na atëmi va muurëmi vëjie uwetëa ughwarë wawe.