Popular Bible Verses from Whakatauki 15

Share

Mā te kupu ngāwari e kaupare te riri; mā te kupu taimaha ia e whakaoho te riri.

Ko te wehi ki a Ihowā te ako o te whakaaro nui; ko te ngākau whakaiti hoki e haere ana i mua i te hōnore.

Ko te arero reka he rākau nō te ora; tēnā ki te whanokē a roto he wāwāhi wairua.

Ki te kāhore he rūnanga, ka pororaru ngā tikanga; mā te tokomaha ia o ngā kaiwhakatakoto whakaaro ka mau ai.

Mā te koa o te ngākau ka pai ai te mata; mā te pōuri ia o te ngākau ka marū ai te wairua.

Kei ngā wāhi katoa ngā kanohi o Ihowā, e titiro ana ki te hunga kino, ki te hunga pai.

He pai kē te iti i kīnakitia ki te wehi ki a Ihowā, i te nui taonga i kīnakitia ki te raruraru.

He whakaoho tautohe tā te tangata pukuriri; he pēhi pakanga ia tā te tangata manawanui.

Ko te ngākau o te tangata tika e āta whakaaro ana ki te kupu hei whakahokinga; ko te māngai ia o te tangata kino e tāhoro ana i ngā mea kikino.