Popular Bible Verses from Kaikauwhau 3

Share

He tāima anō kua takoto mō ngā mea katoa, me te wā mō ngā meatanga katoa i raro i te rangi

he wā e whānau ai, he wā e mate ai; he wā e whakatō ai, he wā e hūtia ai te mea i whakatōkia; he wā e patu ai, he wā e rongoā ai; he wā e wāwāhi iho ai, he wā e hanga ake ai

he wā e tangi ai, he wā e kata ai; he wā e auē ai, he wā e kanikani ai; he wā e ākiritia atu ai ngā kōhatu, he wā e kohikohia ai ngā kōhatu, he wā e awhi ai, he wā e kore ai e awhi

he wā e haehae ai, he wā e tuitui ai; he wā e whakarongo puku ai, he wā e kōrero ai; he wā e aroha ai, he wā e mauāhara ai; he wā e whawhai ai, he wā e mau ai te rongo.

he wā e rapu ai, he wā e ngaro ai; he wā e tiaki ai, he wā e ākiri atu ai

E mōhio ana ahau ko ngā mea katoa e hangā ana e te Atua, ka mau tonu ā ake ake; e kore tētahi mea e honoa mai, e kore anō hoki tētahi wāhi e tangohia atu. I meatia hoki e te Atua kia wehi ai ngā tāngata i tōna aroaro.

Ka mea ahau i roto i tōku ngākau, “Tērā e whakawākia e te Atua te tangata tika rāua ko te tangata kino; nō te mea kua takoto te wā i reira mō ngā meatanga katoa, mō ngā mahi katoa.”