Popular Bible Verses from Valoma 15

Share

Neke lino, ndiilapangila kwa Nguluvi va luhuuvilo ukutigila, avamemyage ulukeelo nu lutengamaso umusika pe mwigina ukumufuuwa umwene. Apo pe peene pe mwivedza nu luhuuvilo lukomi, wugendela wa ngufu dza Mubepo uMwimike.

Amadzwi gonda ga Wusimbe uWiimike gaasimbiilwe kataali wiimila wa kutuwulanidza, ukuta tuvedzage nu wisamutima, kangi tukangadzwage. Wugendela wa mbulanidzo idzo tuvedzage nu luhuuvilo.

Ndiilapangila kwa Nguluvi, ye akutupeela ukuvedza nu wisamutima nu kukangadzwa, ukutigila avapeelage unyeenye uwugulume wuuwula we aali nawo uKilisiti Yesu. Apo unyeenye nyivonda mu mutima gumwinga ni ndongele yimwinga, muhadza mukumupeela indolo uNguluvi uDaadiye va Mutwa veesu uYesu Kilisiti.

Neke lino, mwiyanukilage yuunye mwa yuunye ngita uKilisiti kye avaanukiye unyeenye, ukuta uNguluvi apeelwage indolo.

Nayula umwesu, apifukilage ukulima amalimo ga kumukeeledza umufuuwa muyagwe ulwa kumuwumbulila, wiimila wa kumudzenga mu lufuuwo lwakwe.