Popular Bible Verses from Valoma 14

Share

Pakuva uwutwa wa Nguluvi, wusiiwonekela mu kye twiliya enewuli kye twinyuwa, nda haamu, wiiwonekela mu migendele gyesu igya wugolofu, ulutengamaso nu lukeelo wugendela mwa Mubepo uMwimike. Umuunu ye akumutovela iligendwa ewo uKilisiti, akumukeeledza uNguluvi nu kwidikwa na vaanu.

Ngana twinana, twinanila kwa Mutwa, kangi ngana twifuwa, twifwila kwa Mutwa. Pa ulo, ngana twinana enewuli twifuwa, uneefwe tuli vaanu vaakwe.

Wiimila wa idzo, umusika gonda tupifukilage ukulima idziileeta ulutengamaso nu kwidzenga mu lufuuwo yuufwe mwa yuufwe.

Neke lino, tulekage ukwihiga, kangi tubihile ukumukuvadza umufuuwa muyiisu, enewuli ukumuhulila aguwe mu lufuuwo.

Ndeviye lúsimbiilwe mu Wusimbe uWiimike ukutigila, “UMutwa Nguluvi iitigila, ‘Ndakyene ngita kye ndili muumi, nayula alaafugama pawutalo apangu, nayula aliidikila ukutigila, uneene ye Nguluvi.’ ” Neke lino, umuunu ye avedzaga umwesu, alaalonga imola dzaakwe yumwene pawutalo pa Nguluvi.

Lino umuunu ye asinaa akangala mu lufuuwo, mumwanukilage kingaya kwibeedza nave ulwa mahoodzo ágalekiine nu muyeenyo.

Lino, uveeve ye ani ye ukumuhiga umulimila-vangi va muunu uyungi? Umulimila-vangi ye iilima amalimo ngita kye iikeela umutwa vaakwe, yu mutwa vaakwe mwene ye ali nu wutawulilwe uwa kumuhiga, ngana iivagila ukulumbwa, enewuli asiivagila. Nave ahadza iivagila ukulumbwa, pakuva uMutwa Yesu ali ni ngufu iya kumwimya.