Popular Bible Verses from Vaebulaniya 4

Share

Pakuva ilidzwi lya Nguluvi, lyumi kangi linya ngufu. Ilidzwi ilyo, lílutiye ku limaage ilya magoha, ilili nu wuugi imbali dzonda dzivili. Ilidzwi lya Nguluvi liihoma nu kwingila mugati mwa muunu ukufikila mu numbula nu mubepo, ngita ilimaage ilyo kye liikwingila mu madzege ni nyama. Ndeeni, ilidzwi lya Nguluvi lipeefu ukudzeela amahoodzo ga mugati mu numbula ya muunu.

Wiimila wa ulo, tuvedzage nu wumasimike uwa kuhegelela pa kideego ikya wutwa ikya Nguluvi umunya lusungu, ukuta twanukile ulupyana nu lusungu lwakwe ulwa kututanga umusika gwa nalamu.

Kangi uMuteekedzi uMuvina veesu uyo, akutusungukila mu wulemwa weesu, nave akuwufika, pakuva aagemiidzwe nu Setano mu ngʼaasi ndzoloofu ngita uneefwe, neke kangi umwene asaalimile indzanangifu.

Sikookili ikigawa kikivedzaga íkifihiime pa miiho ga Nguluvi. Nda haamu, ifiinu fyonda fili pa weelu. Twivonda, nayula aloolelela pawutalo pa Nguluvi imola dza malimo gaakwe ge álimile.

Lino tuli nu Muteekedzi uMuvina hiilo ukulutila vonda, ye Yesu uMuswamuve va Nguluvi, ye iinwike kukyanya. Neke lino, twimage sipi mu lufuuwo lwe twinaka.

Neke lino, tugimbage ukwingila apoono apo pa kupolela, ukuta atanage ukuvedza pwali nambe yumwinga umwesu uva kulemwa ukwingila wiimila wa kukaana ukumwidika uNguluvi, ngita avakuhwesu kye vaalimaga.