Popular Bible Verses from 1 Vakolindo 14

Share

Pakuva uNguluvi si va lyowo, nda haamu, ye Nguluvi va lutengamaso. Ndeeni kye lugenda mu ngʼombeso dzonda idza viimike.

Munungʼuvalilage uwende, kangi muvedzage nu wusuukwa wa kutemula ifipeelwa fya Mubepo uMwimike, hiilo ikipeelwa kya kuvila uwuvidzi.

Neke kangi ye iivila uwuvidzi ukuhuma kwa Nguluvi, iilonga na vaanu amadzwi ga kuvadzenga mu lufuuwo, ukuvakangadza mu numbula nu kuvanyaamadza.

Ye iilonga indongele imiya, akwidzenga yumwene mu lufuuwo lwakwe, neke kangi ye iivila uwuvidzi, iilonga imola ukuhuma kwa Nguluvi wiimila wa kuludzenga ulukombeso lwa vafuuwa.

Kye luli ewo nu kwenyo. Lino, pakuva muli nu wusuukwa ukuvedza ni fipeelwa fya Mubepo uMwimike, mugimbage ukutemula ifipeelwa ifiikangadza ulukombeso lwa vafuuwa.