Popular Bible Verses from 1 Vakolindo 13

Share

Uwende wukumuhambusa umuunu ukuvedza nu lwigugumidzo, ukuvedza nu wusandzi, ukuvedza mungaya giila, ukuvedza mungaya kwilumba, kangi ukuvedza mungaya lwinunumulo. Uwende wukumuhambusa umuunu atane ukuvedza ni migendele igikuvahulila nyoni avangi, atane ukuhoodza ulwa mwene hela, nambe kuviipa kisaatu, nambe kuvalila uwuviifu wa vangi.

Uwende wukumuhambusa umuunu iigugumidze mu dzonda, asiiduma ukufuuwa nu kuhuuvila mu dzonda, kangi avedzage nu wisamutima mu dzonda.

Uwende wukumuhambusa umuunu atane ukukeela uwuhosi, nda haamu, akeelage indakyene.

Lino ifiisigala fidatu: ulufuuwo, uluhuuvilo nu wende. Neke kangi ikikomi hiilo ukulutila fyonda ifyo, we wende.

Uwende wungaya wudugilo nambi. Neke kangi ifipeelwa ifingi ngita uwuvidzi, indongele imiya nu wuwuya, fili nu wudugilo waakwe.

Ngana nde ndikali ndilonge mu ndongele dza vaanu ni ndongele dza vanyamwandza, neke kangi ngana ndingaya wende, ndiivedza ngita mwango gwa lidebwe iliibangalyuka, enewuli ilidzoofu ilikwana kyaka.

Kangi, nde ndivedze ndili ni kipeelwa ikya kuvila uwuvidzi nu kudzidzeela dzonda idzili ku kinyele, nde ndivedze nu wuwuya wonda, nambe nde ndivedze nu lufuuwo lukomi ulwa kuhaamya ifidunda, neke kangi ngana ndingaya wende, apo uneene si kiinu.

Kangi ngana ndivagavile avahangala imaale yangu yonda, kangi ngana ndiitawule umuvili gwangu, ukuta gupiye pa mooto, neke kangi ngana ndingaya wende, apo uneene silukuumbumbulila kiinu.

Pe ndaali mwana, ndaalongaga ulwa waana, ndaahoodzaga idza waana, ndaali nu luhala lwa waana. Neke kangi lino, pakuva ndili muvina, ndídzilekile idza waana.