Popular Bible Verses from Luug 24

Share

Man ci sama bopp maa leen di yónnee li sama Baay dige. Waaye yeen toogleen ci dëkk bi, ba kera ñu leen solee manoore ju bawoo fa kaw.»

Nekku fi; dekki na. Fàttalikuleen la mu leen waxoon, ba mu génnagulee Galile.

Ca la seeni gët ubbiku, ñu xàmmee ko. Moom nag, mu ne mes, réer leen. Ba loolu amee, ku nekk naan sa moroom: «Ndax yéguloo woon cawartey xol bu tooy, ba muy wax ak nun ci yoon wi, di nu firil Mbind mi?»

Mu ne leen: «Nii lees binde, ne fàww Almasi bi dee ci biir coono, ba dekki ca ñetteelu fan ba; te ciw turam, dees na dale ci Yerusalem, yégal xeet yépp, tuubeel gu jur njéggalug bàkkaar.

Ñu agsi ca bàmmeel ba, fekk ñu béraŋ doj wa uboon bunt ba, laf ko ca wet ga. Ñu dugg, fekkuñu fa néewub Sang Yeesu.