Popular Bible Verses from Njàlbéen ga 37

Share

Mu am bés Yuusufa gént, nettali ko ay magam, ba tax ñu gënati koo bañ.

Booba Yanqóoba, Yuusufa la gëna bëgg ci ay doomam, ndax li mu màggat door koo am. Mu ràbblul ko mbubb mu yànj.

Mag ya nag gis ne Yuusufa la seen baay gëna bëgg ci ay doomam. Loolu tax ñu bañ ko, ba manuñoo séq ak moom kàddu gu rafet.

Gannaaw gi, geneen gént dikkal ko, mu nettali ko ay magam ne leen: «Dégluleen, géntaat naa. Gis naa jant bi ak weer wi ak fukki biddiiw ak benn di ma sujjóotal.»

Mag ya nag iñaane ko. Teewul baayam moom bàyyi xel ci mbir moomu.

Da ne leen: «Dégluleen li ma gént. Danoo nekk ca tool ya, di góob. Ba nu takkee, sama takk jekki-jekki ne sàtt, taxaw, seen takk wër sama takk, di ko sujjóotal.»

Nanu ko rey gaaw, sànni ko ca kàmb yee, su ko defee danu naan, rabu àll a ko fàdd. Nu seet ba xam fu muy mujj aki géntam?»

Julay Majan ya nag jaare fa, magi Yuusufa yóotu ko, génne ko kàmb ga, jaay ko Ismayleen ña ci ñaar fukki dogi xaalis. Ñu yóbbu Yuusufa Misra.

Ña nga naan: «Boroom gént gaa ngee di ñëw!

Naka la ko mag ya séen fu sore, daldi mànkoo bala moo agsi, ci pexem rey ko.

Ruben teg ca ne leen: «Buleen tuur deret. Sànnileen ko ca kàmb gee ca àll ba, waaye bu ko loxo dal.» Booba ma ngay wut nu mu xettalee Yuusufa ci ñoom, ba delloo ko baayam.