Popular Bible Verses from Lûm 9

Share

Ayiə dzə̀mə̀ zoʼo dòʼo kə anə mwùli k-a-zə̀ kə̀ kwoʼo kiy àwày dzə anə yiə yə wù liə nəniy moo ù zəŋə yə̂ nəniy.

Zə̀kìy kə dzày tsə awò Musîs a we nə, “Mə kî kwoʼo ŋwò nə̀ mwuli kiy azoŋə̀ wù wə̀ mə liə nəniy ani kwoʼ, mə kî dè sòʼò fòŋə̀ ìdzòŋə̀ yìy awò wù wə̀ mə liə nəniy ani dè fòŋə̀ ìdzòŋə̀ yìy â we.”

Wù mbyi yəə à də wô, wò də̌ ndiə ani səay Kəzə̀ ə?” Ntwà ìtsaʼ də mə̀yə ani bəb yə̀ â wù wə̀ ù bwam nəniy we a we nə, “Wò mìə̀ ghii bwam na anə iyîkìə̀?”

Yəə I də nəniy ghi, Zə̀kìy kwoʼo nə̀ mwuli kiy azoŋə̀ wù wə̀ ù liə nəniy ani kwoʼ nə̀ mwuli kiy azoŋə we. Ù kwulə nia sòʼò fòŋ ə̀ wù wə̀ ù liə nəniy nə̀ ù kəli kwuli kə fôŋ.

Wù wə̀ ù bwamə nəniy ntwà tìy u kwu ŋwô daʼa kiy ani nìy kə itsaʼ ù bwam ndzòʼò ntwà yə̀ ù liə nəniy. Ù də ani nìy kə itsaʼ ù bwam kə tə ntwà ìbè ate, ù na tsə ntwà ìmòʼ ani faʼa ayiə àsoŋə̀ yìy ate, ù na tsə ìliy ani faʼa ate ntsukə indzə̀m.