Popular Bible Verses from Lûm 10

Share

Abu wò dzày fyi bə̂ nə̀ idzwə yiə̀ yìy nə̀ Yesù də̀ Mwe ə̀ mbyi, bɛmə kə sòʼò anə fôŋ yiə̀ nə̀ Zə̀kìy maa we zɛmə̀ ŋwò dzwoŋi anə ipfə, Zə̀kìy ki bii fyi wô.

À də̀ ibɛmə yə̀ wò kwu nəniy anə fôŋ yiə̀ i zəŋə nəniy nə̀ Zə̀kìy zəŋi nə̀ wò doʼò tsə tsitsi anə səkə we. Zə̀kìy bii fyiə sòʼò wù abu ù dzày fyi bə̂ nə̀ idzwə iwe yiy nə̀ ghe bɛmə ŋwô â Kə̀litò.

Aghê kyilə tsə ìbɛmə abu ghu zuw tsə nəniy ntwùm ə̀ Kə̀zə̀. Aghê zuw tsə ntwùm ə̀ Kə̀zə̀ abu wù lìy nàʼà tsə nəniy ntwùm ìghè yə̀ awò ghu.

Ŋwàʼà k-a-zə̀ kìy dziy nə̀, “Wu wə̀ ù tsəb bɛmə dzə̂ awò Zə̀kìy, ù nì kəli dzə̀ wày tuw kə̀ dələ kiy.” Abu wù də kə wè Dzû, moo ù də way wè Dzû, Zə̀kìy də Mwe ə̀ Mbyi awò àghè dzə̀m. Ù kwu sòʼo fòŋə ì dzòŋə̀ yìy azoŋə àghù yə̀ à dzə̀m ghu ŋwa yə̂ nəniy ifày yìy awò we. Aghû yə̀ à dzə̀m ghu toŋə tsə nəniy Mwe ə̀ mbyi nə̀ ù fày ghu, ù kìy bii fyiə ŋwòə ghu.

Wù ki kwuni zè nìʼà məyiə ntwùm ìghè yə̀ nə̀ wù kamə twum fyi we nə̀ ù zù nàʼà ə? Ŋwàʼà k-a-zə̀ kìy dziy nə̀, “I ŋge dzwàbə ŋwò abu aghê bû nəniy ani bù nàʼà ntwùm ìdzòŋə̀ yìy!”

Ghu kwuni də̌ mə̀yiə ani twoŋə yə̀ we nə̀ ù bù fày ghu nə̀ ghu we kə̀ bɛmə nəway ə? Moo, ghu də mə̀yiə ani bɛmə yə̀ awò we nə̀ ghu kə̀ zuw nəway ntwùm ə̀ we ə? Ghu də mə̀yiə ani zuw ntwumə̀ we nə̀ wù lìy kamə naʼà nə way ntwùmə ì ghè yə̀ awò ghu ə?

Fàʼ kə̀ Kə̀litò fàʼ nəniy kə mə zəŋi nə̀ lâŋ kìy kə kâm kəli dzə̌ fàʼ kìy. I dê tsə nə̀ wù wə̀ Zə̀kìy nîy nə̀ ù də̀ tsitsi, à də̌ wù wə̀ ù bɛmə nəniy awò Yesù.