Popular Bible Verses from Roman 3

Share

damugə ba ujum si aghəy anó iboŋ, anigə cha uzayn zayn Nwiye di ni bere ma ungɨŋ ma. Nwiye si aghəy kwi ba təm ikoʼoro akə inji zənə u aghəy ichuŋ abú úŋwən. Ichuŋ wu amə uneʼe ŋunə u naʼa abú úŋwən anjim Yeso Kristo ŋunə yə ziya utəw uma.

Nwiye si aghəy kwi ba ujum mbi itəm ikoʼoro ifigi ma anjim umugə ú beni Yeso Kristo. Cha Nwiye mə zən ma ikyaba akaʼa ba

Nwiye cha uŋwən nə aghəy ifá da anəm ma səw umba unó iboŋ anjim umugə mba zi fiŋ inyo ma. Nwiye tey anjim iyimi fiŋ kwi mba yi aghəy unó mbənə ukoʼoro anji zənə cha yə zi ma ingəʼ atəw ba mbənə mbə́ mə aghəy unó iboŋ imbəy. Yə́ aghəy ney da itey kwi uŋwən yə aghəy unó mbənə ukoʼoro foro kwi uŋwən yə aghəy kwi ba mbənə u zi fiŋ inyo Yeso u təm ikoʼoro.

Cha wa moʼ awu nu u tem ikoʼoro ifigi Nwiye numugə umə aghəy unó mbənə umə ungɨŋ unoʼo. Unoʼo mbə aghəy amə kwi ba kyay kwi u mbə aghəy unó iboŋ.

Ayə ungɨŋ Aŋwaʼanayn Nwiye kwi, “Cha wa moʼ awu umə aghəy unó mbənə u koʼoro kaba ufeyn. Cha atəw wa moʼ di tana izayn da Nwiye. Cha wa awu nu u kaba ikyay Nwiye. Ba ujum si gha injim ma abú Nwiye, Cha umə aghəy unó mbənə Nwiye mə kabay. Cha wa moʼ awu umə aghəy ichuŋ kaba ufeyn.

Mba beni kwi wa təm ikoʼoro anjim ibeni ma, akə ma da mugə u aghəy unó mbənə umə ungɨŋ unoʼo.

Indəʼ, mba kyay kwi Nwiye yə ghayn asiʼ kanə di ma kwi ba ujum mə ba figə unó. A yə ungɨŋ Aŋwaʼanayn Nwiye kwi, “Ngwə tey kwi inayn zənə ngwə mə ghayn amə inayn nu ikoʼoro. Anigə ngwə yi chigə usaʼa wu Amaʼazənə u mə saʼa yə”