Popular Bible Verses from Romanos 5

Share

Seyni Hoyakalu wla rixa hekhiretlu hi pa hamotlekananu rixwu klu tshinanu hektune wixakanaxiniwa Cristo hipnapa hixa kachrijru.

Hiyrunu hi wmahijeruchata xye wkahwakle tshinanu. Klu tshinanu Hoyakalu wajkaka hipkaklu ramotlewle Hoyakalu Hiwejikaluru, Hoyakalu henekachale tshinanu.

Hiyrun-koxa wpoyikowata salewaktshi tshinanu klu tshinanu wimatlu salewaktshikni hasruklu yineru kahwakachatatshri rixinripa. Hoyakalu hikchikhihlenutlu salewaktshi wakotachaxyawaka hiyáhoni Hoyakalu hikchikhihlenreru tshinanu Hoyakalu hihlenu wkahwakanu.

Wpowratka, halixlewlu tshinanu hiyrunu hihlehchinikanyehitkalunwu Hoyakaluyma. Tsru Hixikatshriwa Jesus Cristo kamhaleru tshinanu. Walixle tshinanu Cristo wan-hixwu Hoyakalu hihlehchinikanrewle henekachalu wyoptoxyawaka. Wane wixa haté xawakni. Wale tshinanu wpoyikowata klu tshinanu Hoyakalu hoyaknu wkahwakanu.

Klu tshinanu hi wumukata hepixlexnawa, wumtuknu tshinanu hiyáhoni rapokpapkoluxinixka Cristo hipnapatka hixa tshinanu.

Hiyáhoni Cristo tshinanu hi wetanru Hoyakalu hapnokatlewle klu tshinanu Cristo hraha hiyokle tshinanu wpowratka Hoyakaluya.

Satupka jeji majnakowaxyalu Hoyakalu hiyáhoni hixolunni hektune rixkakatka. Seyni satupkani yineru kajnakolu Hoyakaluya hiyáhoni hixolune hihletko.

Hi wale tsonni seyni xawakni koxa wumuwata Hoyakalu tshinanu hiyrunu Tsru Hixikatshriwa Woyakalute Jesus Cristo tshinanu. Klu tshinanu Jesus Cristo tshinanu wimatletatnaklu Hoyakalu.