Popular Bible Verses from Romanos 15

Share

Nanjitlu Hoyakalu wkahwakleru hpoyikowkajyawakwu wajiya, wapnanuhchinikanuxyawaka walixle tshinanu. Waneya hixa kahwakachale pnute hya tseruwnaleta Hoyakalu Hiwejikaluru pixkonu tshinanu.

Psoluka yonatkaluru potukalu pirana yonatka hixa wasrujikolu tshinanu ruchinikanuwkakwu wkahwakachaxyawakaplu Hoyakalu hihlenu hiyrunu repixlewle. Xye wukchika Hoyakalu tokanu yonatkaluru piranaya.

Hiyáhoni Hoyakalu wmixkotjeru hiyrunu wpoyikotahchinikanutjeru hepixanwu pa hchinikanurunwu wixyawakapa hixkakluko, womkahixinri Cristo Jesus hixjexyawaka. Pa hchinikanurunhi pa tokanurunhi himalwutanru Hoyakalu, Jesus Cristo Hitsrukate.

Hiyáhoni hyoptokakanu kihlehchinikanurunhi Hoyakalu himalwuxikolu tshinanu klu tshinanu wan-rixa yoptoletatkawu hixa Cristo.

Seyni hixa satkakwu wujhalu wimwastsirene wepixyawakna kihleruya, wtseruwnakakanna ralixleyna.