Popular Bible Verses from Romanos 14

Share

Klu tshinanu Hoyakalu pohirewaxyawaka hi niktshi ho hirkaluru tshinanni seyni halikaka kihlerukni, hapnanuhchinikanruni hiyrunu poyikowluni Hoyakalu Hiwejikaluru heneklewleni. Hiyáhoni katukta homkahjetlu Cristo xye chinikantshiya, Hoyakalu poyikowanwakatanru hiyrunu yine hikchikhihlenutanru wan-hixatshri.

Wiwejini, Hoyakalu tshinanu wiwekanu. Wupninipa, Hoyakalu tshinanu wupnanu. Hiyáhoni ho wiwejini ho wupninipa Hoyakalununwu.

Hiyáhoni womkahitanru xako wale ptowruka hapnanuhchinikanru heneklewatatshri hiyrunu wujhanru hanu potu wumukata mixkotkakleta hixa satkakwu.

Hiyáhoni hi wane pnuteko heyikakanu hixkakluko. Seyni halikaka hijhahchinikanutanu hitspetkaluru pma mutakyehixyawakaplu Cristo tshinanu pmoletanru hma mujrujyawakanupa, hma majnakowaxyawakanupa.

Klu tshinanu wane htshina Tsru Hixikatshriwa yonatkaluruya: “Wane htshina Tsru Hixikatshriwa, niwejyawaka tshinanu ptowru yineru yoptsojityehitanno hiyrunu ptowru yineru hiphujetanru Hoyakalu nixyawaka.” Waneya waneklupa ptowrunekwu hinkaklexinwa Hoyakalu yehiya.

Hihroka halixletatshri hjihlokkakanu hixa tskalaya. Seyni hi hihjekakanu wale hihchinikanu tshinanu.

Han-hixatshriyihe pixa satu yineru towreru peyijyawaka? Waleko htowutjeru hetahchinikanutlu ho kihlerhe htowreru ho hektutrahe htowreru. Klu tshinanu Tsru Hixikatshriwa Hoyakalu towreru himukata hepixletlu htowreru kihleruya.