Popular Bible Verses from Romanos 16

Share

Hiyrun-koxa Hoyakalu wapnanuhchinikankakjeru, xekoyaka hallitanru Satanás-pni. Hixa hakakanru. Nanjitlu Hoyakalu, Jesus Cristo hihlenu himatkalewkakanhi.

Nanjithi nomolene, hi hetachatanna yine hixa halixle kotspalapiratatshine hixa halixle kojwakatshine, pnuko hixa hasruklewletatshine hi hixa hasruklewle pixka rixa hasruklewletna. Hi xako wannayma hyanjetanu.

Klu tshinanu wan-hixatshine hi Cristo Wutsrukate romkahitna seyni wannako hisatna romkahitna. Kihle tokanna kihler-pirana htshinyehitna yine hike muslahkane hyokwihchinikanuxyawakapna.

Wuya wimalwutanru Hoyakalu! Wale himukata halixkaklepotuthi hixa, halixlewluya Jesus Cristo pirana, kihle piranalu potuko hiwekkaklewatatshri pirana, nunkakletleru tshinanu. Waleni halikakalutu pirana phujetanuru hix-hohne potuko mitshikananu yohimakanatkaluru pirana. Seyni xawakni, hipirana halikakalutu phujewak-potuko rapokatka Hoyakalu tokanu hinkakletatshine yonre tshinanu. Hiyrun-koxa Hoyakalu mnikawnakatuko towutlu rimaxikowakatka ptowru tshijneya, ralixko hiyrun-koxa romkahitko ptowru yineya. Hoyakalu satupkalutu, ptowru potuko himatjematshrini, himalwutkalurupni ptowru hohne mnikawnakatupni Jesus Cristo tshinanu. Seyoka.