Popular Bible Verses from Colossenses 3

Share

Hakotachakakanu, hkaspukahchinikankakyehitanu satu yineru kojwajinhi. Cristo kaspukahchinikanyehixyawakhi pixka hixanu hixa.

Tenhohne hajerkak-pirana hichinikanretanu. Hi xye tshijne hajeru pirankaka hichinikanretanu.

Hiyrun-koxa kihle hchinikanurunhi kamrurewatanu hatatjewa hi yine towutlenhi seyni Wutsrukate Cristo towutlenhi.

Hoyakalu hayinetenetkahi. Hihchinikanunetkahi. Hnurethi walenuko hixyawakpatka. Hiyáhoni hixa hijhalu hyochmajnawakwa hetwamonrewluya, hichiniklewluya, mturu hixnawakwa, mchiretannutshi, kahwakachluya.

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya. Hiyrun-koxa kluneruktako hkamhini ho kluneruktako hyanumaxini wan-hixanu Tsru Hixikatshriwa Jesus hiwaka himwatshine pixka. Himalwutanru Wuru Hoyakalu Cristo tshinanuya.

Waneya xyekaka pnute hyokakanru pimrine hichinijyawaka. Klu tshinanu hichiniklewlu ptowruka hpoyahokaka.

Hiyáhoni Cristo-yma wiwejinixka wujhanru tenhohne hajerkak-pirana, Cristo hwiywaka hwatshri, Hoyakalu potukle sreta tuplatatshri.

Hitshitanru Hoyakalu wapnanuhchinikankakjeru kosejyawaklu hixa hchinikanu. Klu tshinanu tshanixkalunhi hapnanuhchinikanru tshinanu pa manepka hixyawakapa. Hiyrunu hpoyahnutlewjetanu.

Hiyáhoni hkamakatanru mantshi het-sotanrerkaka xye tshijne hajeru, hapoklewlu, kapatmenuru, kapnoka makawleru, hektutu haluklu, hiyrunu sotanuhonutshi, walekni mayawletshicha munanhikolu.

Klu tshinanu hipnatshinetka pixkalunhi hiyrunu hixa hiwejinri Cristo-ymalu, Hoyakalu yohimlenetkahi.

Seyni xawakni hixa haluk-hiknokletanru xyekaka ptowruka: jhekantshi, hahxalu, hapatlewlu, hektuwaka htshinanwakaxyawaklu Hoyakalu, kapatmenuru hyanumaxyawaka.

Hi hyokwikakanu. Klu tshinanu hixa hiknokatkalu mitshikananu hixantshi hkamhajekanatanruymakananuko. Herotu hitajinixkawa. Waleni chinikantshi herotexikolu. Rerotetjetlu wihchinikanu haté Hoyakalu wuyakotjeru hchinikanu psoluka wapkapanu.

Hnurtshine hamotanna hhanunrone. Hi himtuwnakakanna hhanunrone.

Whentshine yijnakotanna rurune, runrona ptowru potuyako klu tshinanu xyekni Wutsrukate Cristo halujyawaka.

Suxone yijnakotanna wannako hhanurna, Wutsrukate Cristo halujyawaka pixka.