Popular Bible Verses from Romanos 5

Share

Qam ñi qota'olec ichoxot da le'xorenataxanaxa coqomi' quiyim so Cristo ileualgoto qomi', 'eno'm ñaqai qomi' sauaqhuaqa.

Ca' dajo qanaquitaxac se ỹo'uet ca qarayiloxo, ma' ñi qota'a no'xataxachiguilo naua qare'taxanata queda le'xorenataxanaxa, chicqochigui nqai'en so Espíritu Santo ma' mashic ỹaanema qomi'.

Chaqai mesqaidaata dajo, ma' qai'neeta ñitoonqatac quiyim 'ue da qare'xoric; ma' sa'deenaq quiyim da qare'xoric ỹo'uet ca qareualaxavic, chaqai da qareualaxavic ỹo'uet quiyim qaỹa'maxarente' qomi'. Ca' quiyim qaỹa'maxarente' qomi', ca 'ue da qanaquitaxac.

Ca' chaqaida 'neeta quiyim ma' ỹa'maxarente' qomi' ñi qota'olec ma' 'ue da qarpi'ỹaxac. Ca huaqui'chiguita qomi' ñi'maxare, chicqochigui nqai'en so qara'gaxala' Jesucristo. Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

Ma' na' se seshitaq quiyim chi ñca'laxatqalta', ca' so Cristo ileualec na hualoxonyipi, na' ỹovita ca laloqo' nqai'en ñi qota'olec.

Ca' nagui mashic qaicoñi'chiguita qomi' quiñi qota'a chicqochigui nqohin da lelauaxa so Cristo. Ca' paguec la'maxa nagui ma' so'maxare se ỹovira'alo nqai'ne' qomi' ma'le ca nouaxanaxaset na qomyipi naỹalec najo.

Ca' dajo 'neetasa', quiyim chicqochigui so 'oonoqui' ỹale se na'xaỹaxan, ca 'xoic ná'maq sauaqhuaiquipi, ca' qaican ỹapaguec ma' chicqochigui quiyim na'xaỹaxanta so 'oonoqui' ỹale, ca 'xoic ná'maq qaicoñi'chiguit quiñi qota'a.

Qam mesqaidaata dajo, ma' qai'neeta 'ue da qanetoonaxac quiñi qota'a chicqochigui so qara'gaxala' Jesucristo. Ma' so'maxare chicqochigui quiyim huaqui'chiguita qomi' nagui ñi qota'olec.