Popular Bible Verses from Santiago 2

Share

Ca' chaqaida 'neeta ca lpi'ỹaxac ca qom. No'm qaica ca ỹa'maqachiguiñi lo'ueenataxanaxac, ca da lpi'ỹaxac 'ec ileu.

Ca' chaqai 'nejem na qaroshicmaxa quena' qaica na lacat, ca ileu, ca da npi'ỹaxac qai'neeta 'ec ileu quena' qaica ca re'oq ỹa'maqachiguiñi lo'ueenataxanaxac.

Qamiri ỹaqaỹa', ¿negue' queto' ca 'negue queca qom quiyim 'naac 'ue ca lpi'ỹaxac no'm qaica ca lo'ueenataxanaxac ỹa'maqachiguiñi? ¿Peeta'a ishito' nca'laxatec dajo lpi'ỹaxac?

Qami' ỹaatqajam 'ue da rpi'ỹaxaqui' quiyim virelec 'oonoqui' ñi qota'a. Ca' dajo ỹa'maqachiguiñi. Qam dajo qai'neeta huelec na lelaatqaipi so na'ỹaapec, qam i'loxol quena lqolonaxa.

Qam no'm 'ue ca 'naac: “Qami' 'ue da rpi'ỹaxaqui', qam ỹim 'ue da ỹo'ueenataxanaxac ỹa'maqachiguiñi.” Qam ỹim shinac: “Ñigo' chaxañitem aỹim ca rpi'ỹaxaqui', quiyim qaica ca ỹa'maqachiguiñi ro'ueenataxanaxaqui'. Ime, ca' ỹim sachaxanem qami' dá'maq ỹa'maqachiguiñi ỹo'ueenataxanaxac chicqochigui da ipi'ỹaxac.”

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

Ca' ñaqa 'ajñii qamiri, ma' ñi qota'a ỹa'maxarenta qai'neeta ca qom quecá'maq ỹa'maqachiguiñi lo'ueenataxanaxac, mesqaidaata da lpi'ỹaxac.

'Ajñi' da 'neeta so Abraham dá'maq re'oq nqai'en quiyim 'ue da lpi'ỹaxac quedá'maq ỹo'uet, ca' dajo lpi'ỹaxac ỹovira'a quiyim ỹaatqajam naloochiguiñi quedá'maq ỹo'uet ỹa'maqachiguiñi.