Popular Bible Verses from Santiago 1

Share

Qamiri ỹaqaỹa', ỹaatqajam necoñiỹaque da netoonaxaguii quena' viitaugui canchaqaica quena ỹoreta'oguit ne'guenaxaguii. Ma' mashic 'yiiñii quena' qai'guen da rpi'ỹaxaguii, ca' 'yiiñii quiyim nqo'neuec da reualaxaviguii.

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.

Vichiguiño' qamiri ñauochaxaua' ỹaqaỹa', quiñi 'óna caqamiri icona quiyim ỹaatqajam na'xaỹaxan, qam mese na'auashiguim retaqa, chaqai mesqai chaqa'ma' ro'o.

Qam nquipichiỹa'pegue' quiyim da reualaxaviguii ỹaatqajam naloochiguiñi, qaiyi 'ñiitam ca qom mashic qo'xoic, ỹaatqajam naloochiguiñi, qaica ca ỹouentaque.

Qam 'viichii cá'maq ỹapaxaguinque qamiri da na'qaatec, mesqai chi na'xaỹaxañitapega, ma' no'm 'ñiitari' dajo, ca 'eco' chi nayiñiteguelta'.

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

Ma' cá'maq chi na'xaỹaxantapega da na'qaatec, qam se ỹo'uet da'maxare, ca 'nejem ca qom quiyim ra'ilec aca na'ỹoxolate, ca ỹa'ajan da 'neetari' ñi lashic. Ca iuana da lashicyaxac. Ime, ca' eec, qam chita'gue, ca' coua'e dá'maq 'neetari'.

Ma' dá'maq 'ueenataxac ỹaatqajam co'teeta chaqai qaica ca hueetaugui nasauaxaset ra'ijlec ñi qota'olec, 'neetasa': ca qom ỹotauan ca na'peloq chaqai aca pa'ỹe hueetaugui ca ne'guenaxac, chaqai ỹaatqajam noyinguit ná'ogue na se no'uen huelec na 'laua.

Ca no'm 'ue ca 'óna ỹa'deenta ca la'deenataxanaxac quiyim ỹo'uet ca se ỹa'maxañi, ca 'neeto' 'neetapega chaqaiñi ñi qota'a chicqo'ot ca la'deenataxanaxac. Ma' ñi'maxare se ỹa'deentapega quiyim ỹo'uet ca se ỹa'maxañi, chaqai se illilec ca 'óna quiyim i'guenegue ca se ỹa'maxañi. Chaqaidaata quiyim queca qom chaqai que'uegue da chi lqo'itaxanqachic queca se no'uen, ca chaqaida dá'maq 'em ỹovirau'a ca se no'uen.

Ca qarqaỹa no'm ñaqai 'xoraic, queca'maxare no'uen quiyim ỹaatqajam netoontac ma' ỹovi' ca na'xa'a quiyim qaỹalamaxajñi quiñi qota'a.