Popular Bible Verses from Santiago 3

Share

Qam quecá'maq hueeto'ot dá'maq na'deenaxanaxa chicqo'ot ñi qota'a, ỹaatqajam 'maxaraic da no'ueenataxac, chaqai hualaqhuaic, 'naxanaxaraic, chaqai 'xaỹaxanqachaqaic, 'xorenataxanaxai, chaqai ỹo'uet na ỹa'maqachiguiñi. Se nañoqotaxai chaqai qamaxaraic.

No'm 'ue ca 'óna caqamiri ỹajnaxaraic chaqai ỹaatqajam 'xoic ỹa'den, ca no'uen quiyim ỹachaxan da ỹa'maqachiguiñi no'ueenataxac chaqai da neneequesenaxac dá'maq chicqaugui da la'deenec.

Chaqai ná'maq nquipiteta'pegue' da na'maxa, chaqaina ná'maq ỹantegueñi da na'maxa, qaiyi no'uen da nachaalataxac na qomyipi.

Ma' cá'maq hueeta'ñi ca npa'guenaxanaxa chaqai cá'maq 'ue ca naquitetaque, ca' chaqaica hua'ñi ná'ogue na se no'uen, chaqai qaica ca na'maxa.

Ma' qaiñiita ñi qaro'legaxanaxat ta'chiguit quiyim semaqachinaq ñi qota'olec, chaqai quiyim seshiuenaq ca qom, cá'maq nadenaxatalta' ñi'maxare na' ỹo'uet. Quiñí'maq 'oonoqui' qodap quiyim chicqotapougui da qaremaqajnataxanaxac chaqai da qarishiuenaxanaxac. Qamiri ỹaqaỹarolqa, se ỹa'maxañi quiyim 'neetari' dajo.

Ca' ñi qaro'legaxanaxat 'neetari' meca norec. Ñi'maxare imaalec ná'ogue na se no'uen neetaugui na qaroshicmaxa, ca' na'axat ná'ogue na qaroshicmaxa. Qam dajo lauaq ỹachigoxotetapegueu'a ca norec sqaica lqodoc, ca' ỹavigaxatetac da qanachaalataxac.

qam qaica ca ishit ỹo'xoiqachit ñi qaro'legaxanaxat. Ñi'maxare ỹaatqajam se no'uen, chaqai se nañaañiguit quiyim qoỹoiquentac, chaqai no'qajlec quená'maq ralauataxan.

Qamiri ỹaqaỹarolqa, 'neeto' 'xoic ca napaxaguinataxanaq caqamiri, ma' mashic 'yiiñii quiyim qomi' mashic sapaxaguinataxanqatac paguec lecaic ca qanouaxanaxaset ma'le, mesqai shinqata na qariỹaripi.